الەمنىڭ ەڭ قىمبات فۋتبولشىسى نەيماردىڭ باسىمدىعىن مويىندادى

استانا. قازاقپارات - «پاري سەن- جەرمەن» جانە فرانسيا قۇراماسىنىڭ شابۋىلشىسى كيليان مباپپە كلۋب پەن كومانداداعى ارىپتەستەرىنىڭ دەڭگەيىن سالىستىردى جانە پاريجدىكتەر ساپىنداعى باستى جۇلدىزدى اتادى، دەپ حابارلايدى Vesti.kz .

«فرانسيا قۇراماسى مەن پ س ج ساپىندا ءبىر ويىنشىدايمىن با؟ جوق، كلۋبتا وزگەشەرەك. وندا بارلىعىنان اسىپ تۇسەتىن فۋتبولشى بار - نەيمار. قۇرامادا ءبارى ءبىر دەڭگەيدە. الداعى جوسپارلارىما قاتىستى، چەمپيوندار ليگاسى جانە فرانسياداعى بارلىق سىيدى پ س ج- مەن بىرگە ۇتقىم كەلەدى. دەنىم ساۋ بولىپ، ەكى جىلدان كەيىن ەۋروپا چەمپيونى بولعىم كەلەدى. جەڭىس، جەڭىس جانە جەڭىس - قالايتىنىم وسى»، - دەپ كەلتىرەدى مباپپەنىڭ ءسوزىن AS.

وسى ماۋسىمدا 19 جاستاعى مباپپە پ س ج ءۇشىن 11 ماتچتە 13 گول سالدى. جازدا ول فرانسيا قۇراماسى ساپىندا الەم چەمپيونى اتاندى. جاقىندا مباپپە CIES Football Observatory ساراپتامالىق كومپانياسىنىڭ نۇسقاسى بويىنشا الەمنىڭ ەڭ قىمبات فۋتبولشىسى بولدى. ونىڭ ترانسفەرلىك قۇنى 216,5 ميلليون ەۋرونى قۇرادى.

www.24.kz