قىتايدا تاريحتاعى ەڭ قىمبات كولىك تانىستىرىلدى
ونىڭ قۇنى ەكى ميلليون دوللاردى قۇرايدى. بۇل تۋرالى bigpicture سايتى حابارلايدى.
كولىكتىڭ سىرت كورىنىسى كەرەمەت، ول بۇرىشتى قىرلاردان تۇرادى جانە كۇڭگىرت قارا ءتۇستى. ول بەتموبيلگە نەمەسە «ستەلس» بومبالاۋشى ۇشاعىنا ۇقسايدى.
Karlmann King- ءنىڭ ءار مودەلى جەكە تاپسىرىس بويىنشا دايىندالادى، جوبا بويىنشا بار-جوعى ون كولىك شىعارۋ جوسپارلانىپ وتىر. تاپسىرىسقا قوسىمشا «وق وتپەيتىن» وپتسياسىن قوسۋعا بولادى. سوندا قالىپتى كولىك كورپۋسى كومىر تالشىعى مەن بولاتتىڭ قوسىمشا ءبىر قاباتىمەن قاپتالادى. بۇل كولىك سالماعىن ءتورت جارىم توننادان التى تونناعا ارتتىرادى.
كولىكتىڭ ىشكى كورىنىسى سىرت كەلبەتىنە ساي كەلمەيدى. ىشكى بەزەندىرىلۋى قىمبات قوناق ءۇيدىڭ كىرە بەرىسىنە كوبىرەك ۇقسايدى. كولىكتىڭ ىشىنەن Sony Playstation جانە جەرسەرىكتىك تەلەۆيدەنيەنى تابۋعا بولادى.
ەكسكليۋزيۆتى كولىكتى ەۋروپادان كەلگەن ينجەنەرلەر قۇراستىرادى. كومپانيا ءوندىرۋشى فيرمانىڭ اتىن قۇپيا ۇستاپ وتىر. جوبانىڭ سايتى پوتەنتسيالدى كليەنتتەرگە ارنالىپ جاسالعان، وندا تەك ەكى ءتىلدى: اعىلشىن جانە اراب تىلدەرىن تاڭداۋعا بولادى.