08:59, 20 - قاراشا 2018 | GMT +6
ەسىكتى قاققان ەلەس كانادا تۇرعىنىنىڭ زارەسىن ۇشىردى
استانا. قازاقپارات - كانادا تۇرعىنى ەسىگىنىڭ الدىنداعى باقىلاۋ كامەراسىنا جازىلعان ۆيدەونى جەلىدە جاريالاعان.
بەينەجازبادان بۇلىڭعىر بەينەنىڭ پايدا بولىپ، ەسىگىنە جاقىنداعانىن كورۋگە بولادى. بۇل تۋرالى eg.ru سايتىنا سىلتەمە جاساعان NUR. KZ حابارلايدى.
46 جاستاعى مەني پيتوشيا پوشتا اكەلەتىن حات تاسۋشىنى كۇتىپ وتىرعان. ءيتى ءۇرىپ ەسىككە قاراي جۇگىرگەندە، ەسىك الدىنا ەشكىمنىڭ كەلمەگەنىن بايقايدى.
الايدا ءيتىنىڭ مازاسىزدانىپ، قويماي ۇرگەنىنەن كۇدىكتەنگەن پيتوشيا بەينەباقىلاۋ كامەراسىنىڭ تاسپاسىن تەكسەرەدى. ۆيدەودان ايەل ادام بۇلىڭعىر كولەڭكەنى بايقاعان. پيتوشيا بۇل تىلسىم كۇشتەر ەكەنىنە سەنىمدى.
دەگەنمەن، جەلىدەگىلەر شوپتەردىڭ قوزعالىسىنا قاراپ، سول كۇنى جەل سوعىپ تۇرعانىن بايقاعان. سوندىقتان ولار بۇل ەشقانداي دا تىلسىم كۇش ەمەس جەلدەن كوتەرىلگەن شاڭ دەپ پايىمداپ وتىر.