بالانىڭ بال- سۇراقتارىنا جاۋاپ
قازاقتا «ۇل- قىزىڭنىڭ قىزىعىن كور» دەگەن جاقسى ءسوز بار. سول قىزىقتىڭ ىشىندە بالانىڭ «اناۋ نە؟ » ، «مىناۋ نە؟ » دەگەن تاۋسىلمايتىن سۇراقتارى بار. سول سەبەپتى، سۇراقتاردىڭ ناقتى جاۋاپتارىن بەرۋدى ءجون كوردىك. ال ونى بالاعا ايتاسىز با، ايتپايسىز با، ول جاعىن ءوزىڭىز ءبىلىڭىز.. .
ءتىس پاستاسىندا جولاقتار قالاي جاسالادى؟
ءتىس پاستاسىن جاسايتىن ورىنداردا سىقپانىڭ ىشىنە بىرنەشە ءتۇستى پاستا سالادى. ونى سىعا تۇسسەڭىز، ءتۇرلى ءتۇستى جولاقتى پاستا شىعا كەلەدى.
بالىقتار سۋ ىشە مە؟
ءيا، بالىقتار سۋ ىشەدى. ءبىراق ءشولىن قاندىرۋ ءۇشىن ەمەس، دەمالۋ ءۇشىن. بالىقتار سۋدى جۇتىپ، قۇرامىنداعى وتتەگىنى قالدىرىپ، ونى جەلبەزەك ارقىلى قايتا شىعارادى.
جانۋارلار دا ىقىلىقتاي ما؟
ءيا، ديافراگماسى بار جانۋارلاردىڭ بارلىعى دا ىقىلىق اتادى. مىسىق، يت، ءتىپتى جىلاندار دا ىقىلىقتايدى.
ادامدار نەگە قىزارادى؟
ەگەر ادام بالاسى ەموتسياعا بەرىلسە نەمەسە ءبىر دۇنيە قاتتى اسەر ەتسە ونىڭ ارتەريالدىق قىسىمى جوعارىلايدى. قان اينالىمى جۇرگەن كەزدە ادام بەتىندەگى قان تامىرلار كەڭەيىپ، قاننىڭ تۇسىنە اسەر ەتىپ، ياعني قىزىل ءتۇستى بولادى.
نەگە دالادا جەل تۇرادى؟
قاراپايىم تىلمەن تۇسىندىرەيىك. كۇن جىلۋى اۋانىڭ تەمپەراتۋراسىن كوتەرەدى. اۋا بۇدان كەيىن جوعارى كوتەرىلەدى. ال اۋانىڭ سۋىق قاباتى تومەنگە قاراي تارتىلادى. جوعارىعا كوتەرىلگەن ىستىق اۋا سۋي باستاعان كەزدە ول تومەن قاراي اعىلىپ، ال تومەندەگى سۋىق اۋا جىلىپ، جوعارى كوتەرىلەدى. وسى اينالىم جەل دەپ اتالادى.
اسپان نەگە كوك؟
كۇننىڭ ساۋلەسى كەمپىرقوساقتاعى بارلىق تۇسكە بويانا الادى. ءبىراق اۋانىڭ بەلگىلى ءبىر قاباتىنا كوتەرىلگەن سوڭ ساۋلە سىنادى دا، تەك كەي تۇستەر عانا قالادى. وسى قۇبىلىس كەزىندە تەك كوك ءتۇس قانا قالعاندارىنان قاتتى شاعىلىسادى. سوندىقتان اسپان ادام كوزىنە كوك بولىپ كورىنەدى.
جەردى اينالىپ شىعۋ ءۇشىن قانشا ۋاقىت كەرەك؟
جەردىڭ ورتاسىنان ءبولىپ تۇرعان ەكۆاتوردىڭ ۇزىندىعى 40075 شاقىرىمدى قۇرايدى. ەگەر جاياۋ جۇرگىنشى مۇدىرمەستەن ءبىر قالىپتا ءجۇرىپ وتىرسا، جەردى 8-اي 15 كۇندە اينالىپ شىعادى.
مىنە، مىڭداعان «نەگەلەر» مەن «قالايلاردىڭ» ازىن- اۋلاعىن ەسكە تۇسىردىك. ال ءسىز بىلەتىن تاعى قانداي سۇراقتار بار؟
Massaget.kz