ەۋروپاعا جۇمىسقا بارعان قازاقستاندىقتار الاياقتارعا الدانىپ قالدى
«قازاقستان ازاماتتارىن شەتەلدە جوعارى جالاقىعا تارتقاندارى ءۇشىن ەلىمىزدىڭ كەيبىر شەتەلدىك الاياقتاردىڭ قۇرباندارىنا اينالعاندىعى تۋرالى ءبىرقاتار ب ا ق- تا حابارلانعان بولاتىن. الاياقتاردىڭ قۋ ءارى تارتىمدى ۇسىنىستارىنىڭ كەسىرىنەن ءبىزدىڭ ازاماتتارىمىزدىڭ بەلگىلى ءبىر بولىگى ۇلى بريتانياعا جەتۋ ءۇشىن ۇلكەن سومادا اقشا سالىپ، اقىرى قۇر قول قالعان جاعدايلار بار. جۋىردا چەحيادا جۇمىس ىستەۋگە شاقىراتىن الاياقتاردىڭ تاعى ءبىر سحەماسى تۋرالى ءمالىم بولدى. بۇل الاياقتاردىڭ ارەكەتتەرىنىڭ سالدارىنان 20 عا جۋىق ادام زارداپ شەككەن» ، - دەدى ول.
ايبەك سمادياروۆتىڭ ايتۋىنشا، ازاماتتار قازاقستانداعى جالعان كومپانيالار ارقىلى تۋريستىك ۆيزالار الىپ، چەحيانىڭ قالالارىنا جۇمىس ىستەۋگە اتتانعان.
«الداۋدىڭ ءمانى - چەحيادا جۇمىس ىستەۋ قۇقىعىن بەرە المايتىن، ۇزارتىلا نەمەسە قايتا شىعارىلمايتىن تۋريستىك ۆيزالاردى العانى بولىپ تابىلادى. وسىنداي قيىندىقتارعا تاپ بولعان ءبىزدىڭ وتانداستارىمىز ءتىپتى كەرى قايتۋعا بيلەت ساتىپ الۋ مۇمكىندىگىنەن ايىرىلعان. وسىعان بايلانىستى ءبىز قازاقستاندىقتاردى جۇمىسپەن قامتۋ كومپانيالارىمەن بايلانىس ورناتقان كەزدە اسىقپاي اباي بولۋعا جانە تۋريستىك ۆيزالار ەۋروپا ەلدەرىنە جۇمىسقا ورنالاسۋعا جارامسىز ەكەندىگىن حابارلاي وتىرىپ، نەعۇرلىم مۇقيات بولۋعا شاقىرامىز» ، - دەدى ايبەك سمادياروۆ.