عالىمدار سۋ ءىشۋدىڭ ادام ءومىرى ءۇشىن وتە قاۋىپتى ەكەنىن مالىمدەدى

 استانا. قازقپارات - امەريكالىق عالىمدار سۋدى ءبىر كۇندىك نورمادان كوپ ءىشۋ ادامنىڭ جاي- كۇيىنە اسەر ەتەتىنىن انىقتادى.

سونىمەن قاتار ورگانيزمدە ناتري مولشەرىنىڭ ارتۋى «سۋ ماستىعىنا» الىپ كەلۋى مۇمكىن. ياعني، مۇنداي جاعدايدا ميداعى قان قىسىمىنىڭ قالىپتى دەڭگەيى بۇزىلادى. ءوز كەزەگىندە ول ميدىڭ زاقىمدانۋ قاتەرىن ارتتىرۋى ىقتيمال، دەپ حابارلايدى Business Insider باسىلىمىنا سىلتەمە جاساپ Stan.kz.

عالىمداردىڭ پىكىرىنشە، ادامنىڭ بۇيرەگى ساعاتىنا 800 دەن 1000 م ل- گە دەيىنگى سۋدى وڭدەي الادى. ال اعزاعا تۇسكەن سۋ بۇل نورمادان اسىپ كەتكەندە، ادام ورگانيزمى كوتەرە الماي، ورگانيزمىنىڭ جۇمىسى ءۇشىن قاجەتتى دارۋمەندەردى اعزادان شىعارا باستايدى.

سونىمەن قاتار عالىمدار سۋدى مولشەردەن كوپ ءىشۋ اعزانىڭ سۋسىزدانۋى سياقتى قاۋىپتى ەكەنىن ەسكەرتتى. بۇل رەتتە ەرەسەك ادام ءۇشىن سۋدىڭ قالىپتى نورماسى - ءبىر كۇندە 3-4 ليتر.