16:51, 19 - قاراشا 2018 | GMT +6
گەرمانيادا ەكى ۇشاق سوقتىعىسىپ قالدى
استانا. قازاقپارات - كيۋكحوۆەن قالاسىندا ەكى ۇشاق سوقتىعىسىپ قالدى. بۇل تۋرالى ria.ru سايتى حابارلايدى.
«اەرودرومدا جەڭىل موتورلى ەكى ۇشاق توقتىعىستى. ەكى ۇشاقتىڭ بىرىندەگى ۇشقىش قازا تاپتى» ، - دەلىنگەن حابارلامادا.
باسىلىمنىڭ حابارلاۋىنشا، قازا تاپقان ۇشقىش 70 جاستا. ەكىنشى ۇشاقتاعى 60 جاستاعى ۇشقىش اۋىر جاراقات الىپ، اۋرۋحاناعا جاتقىزىلدى.
ۇشاقتاردىڭ سوقتىعىسۋ سەبەبى ءالى بەلگىسىز. سول كۇنى اۋا رايى جاعدايى وتە قولايلى بولعان. قىلمىستىق پوليسيا تەرگەۋ امالدارىن جۇرگىزىپ جاتىر.
Baq.kz