پاتەرىڭىزدە ءسىز بىلمەيمىن ادامدار تىركەۋدە تۇرسا نە ىستەۋ كەرەك

 استانا. قازاقپارات - ق ر ءى ءى م كوشى- قون قىزمەتى كوميتەتى ءتوراعاسىنىڭ ورىنباسارى گالينا سارسەنبايەۆا ادامدار سانى شامادان تىس تىركەلەتىن پاتەرلەر ماسەلەسى بويىنشا تۇسىنىك بەردى، دەپ حابارلايدى قازاقپارات.

 «اتاپ ايتقاندا، «ەلەكتروندى ءۇي كىتاپشاسى» وسىنداي پاتەرلەردى قالاي انىقتايدى؟ مەملەكەتتىك  ورگاندار بىرلەسە وتىرىپ، اتالعان ەلەكتروندى جۇيەنى قۇردى. جەكە ازاماتتاردىڭ مەملەكەتتىك مالىمەتتەر بازاسىندا 18 ميلليون ادام قامتىلعان. بۇگىندە ءبىزدىڭ ەلەكتروندى كىتاپشاعا 8,7 ميلليون ادام ەندى. بۇل جۇمىستار جالعاسىپ جاتىر، وسى ورايدا قاراشانىڭ سوڭىنا قاراي ونى 11 ميلليونعا دەيىن تولتىرۋدى جوسپارلاۋدامىز» ، - دەدى ول ورتالىق كوممۋنيكاتسيالار قىزمەتىندە.

 ايتا كەتەيىك، جاقىندا ەلىمىزدە «ەلەكتروندى ءۇي كىتاپشاسى» قولدانىسقا ەندى.

ءاربىر ازامات تىركەلگەنى تۋرالى مالىمەتتەردى، ال تۇرعىن ءۇي يەسى ءوز مەكەنجايىندا تىركەلگەن بارلىق ادامدار تۋرالى اقپاراتتى ح ق ك و نەمەسە «ەلەكتروندى ۇكىمەت» ۆ ە ب- پورتالى ارقىلى الا الادى.

 «2011 -جىلى تىركەۋ كىتاپشاسىنان باس تارتقاننان كەيىن، كوبىسى باسپانا العان كەزدە پاتەردە كىمدەر تىركەلگەنىن بىلمەيتىن. بۇگىندە ءتيىستى مۇمكىندىكتەر ارقىلى انىقتامانى «ەلەكتروندى ۇكىمەت» پورتالى نەمەسە ح ق ك و ارقىلى الۋعا بولادى. تۇرعىن ۇيدە تۇرمايتىن بەيتانىس ادامداردىڭ پاتەردە قالاي تىركەلگەندىگى تۋرالى باسپانا يەلەرى سۇراپ جاتادى. بۇل ماسەلەنى شەشۋ ءۇشىن حالىققا قىزمەت كورسەتۋ ورتالىعى كومەگىنە جۇگىنگەن ءجون» ، - دەدى گ. سارسەنبايەۆا.

وسى ورايدا، ول كوشى- قون قىزمەتى وكىلدەرى مەن «ازاماتتارعا ارنالعان ۇكىمەت» كورپوراتسياسى قىزمەتكەرلەرىمەن بىرلەسە ولاردى تىركەۋدەن شىعارا الاتىنىن اتاپ ءوتتى.

بەلگىلى بولعانداي، بۇگىندە استانادا ادامدار شامادان تىس كوپ تىركەلگەن 50 گە تارتا پاتەر انىقتالعان.

مۇنىمەن قوسا كوميتەت وكىلى قايتىس بولعان جانە باسپانانىڭ بۇرىنعى يەلەرىن تىركەۋدەن شىعارۋعا قاتىستى تۇسىنىك بەردى.

«بۇل وزەكتى ماسەلە بولىپ تۇر. ءبىز ءوزىمىز تاراپىمىزدان كورسەتىلەتىن قىزمەتتەردى اۆتوماتتاندىرىپ جاتىرمىز، ونىڭ ىشىندە تىركەۋدەن شىعارۋ شارالارى دا بار. سوندىقتان ازاماتتاردىڭ اتالعان ساناتىن جۇيە ارقىلى تىركەۋدەن اۆتوماتتى تۇردە شىعارۋ باعىتىندا جۇمىس ىستەۋدەمىز. تاياۋ كۇندەرى وسى ماسەلەنىڭ شەشىمى جاسالادى. ياعني، پاتەر يەسى ءوزىنىڭ ۇيىندە بەيتانىس بىرەۋدىڭ تىركەۋدە تۇرعانىنا جانە بۇل جايىندا بىلمەگەندىگىندە ەشقانداي كىناسى جوق. سوندىقتان ح ق ك و جانە كوشى- قون قىزمەتى وكىلدەرىنىڭ جۇمىستارى پىسىقتالىپ، ازاماتتاردىڭ بۇل ساناتىن تىركەۋدەن شىعارۋ ءتارتىبى تۇسىندىرىلەدى» - دەدى گالينا سارسەنبايەۆا.