عالىمدار ۇيقىنىڭ قانباۋى بالالار ءۇشىن قانشالىقتى قاۋىپتى ەكەنىن ايتتى

 استانا. قازاقپارات - ا ق ش- تىڭ راتگەرس ۋنيۆەرسيتەتىنىڭ زەرتتەۋشىلەر توبى ۇيقىنىڭ قانباۋى بالالارعا قالاي اسەر ەتەتىنىن انىقتادى.

بۇل تۋرالى MedicalXpress باسىلىمىنا سىلتەمە جاساپ Stan.kz حابارلايدى.

زەرتتەۋگە 8-17 جاس ارالىعىنداعى 177 مىڭنان اسا ادام قاتىستى. باسىلىمدا اتالعانداي، 12 جاسار بالالار ءۇشىن ۇيقىنىڭ قالىپتى ۇزاقتىعى -  تاۋلىگىنە كەمىندە 9 ساعات. ال جاس وسپىرىمدەر كەمىندە 8 ساعات ۇيىقتاۋى ءتيىس. الايدا زەرتتەۋگە قاتىسقانداردىڭ جارتىسى بۇل ۋاقىتتان از ۇيىقتايتىن بولىپ شىقتى.

سونىمەن قاتار عالىمدار ۇيقىنىڭ قانباۋى زياندى ادەتتەردىڭ قالىپتاسۋىنا اسەر ەتەتىنىن انىقتادى. ياعني، بالالار پايدالى استىڭ ورنىنان جىلدام ازىرلەنەتىن تاعامدار جەپ، از قوزعالىپ، كوپ وتىرادى. ءوز كەزەگىندە مۇنىڭ بارلىعى سەمىزدىككە الىپ كەلۋى مۇمكىن.