نۇرسۇلتان نازاربايەۆ وزبەكستان پرەزيدەنتىمەن تەلەفون ارقىلى سويلەستى

استانا. قازاقپارات - نۇرسۇلتان نازاربايەۆ وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆپەن تەلەفون ارقىلى سويلەستى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

مەملەكەتتەر باسشىلارى ەكى جاقتى ىنتىماقتاستىقتىڭ قازىرگى جاعدايى مەن پەرسپەكتيۆالارىن تالقىلادى، سونداي-اق، كۇن تارتىبىندەگى وڭىرلىك ماسەلەلەر جونىندە پىكىر الماستى.

نۇرسۇلتان نازاربايەۆ پەن شاۆكات ميرزيەيەۆ كەلەسى جىلى تاشكەنتتە ورتالىق ازيا ەلدەرى باسشىلارىنىڭ كەزەكتى جۇمىس (كونسۋلتاتيۆتىك) كەزدەسۋىن وتكىزۋ جونىندەگى ۋاعدالاستىقتى ناقتىلادى.

تاراپتار وسى ءىس-شاراعا دايىندىق ماسەلەلەرىن ايماق ەلدەرى سىرتقى ساياسي ۆەدومستۆولارىنىڭ دەڭگەيىندە كەلىسۋدىڭ ماڭىزدىلىعىن اتاپ ءوتتى.

تەلەفون ارقىلى سويلەسۋگە وزبەك جاعى باستاماشى بولدى.