قانشا مەملەكەتتىك قىزمەتشى سىيلىقتارىن مەملەكەتتىك قورعا وتكىزدى
بۇل تۋرالى «قازاقپارات» ح ا ا- عا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنەن حابارلادى.
«زاڭناماعا سايكەس، مەملەكەتتىك نەمەسە سوعان تەڭەستىرىلگەن فۋنكسيالارىن اتقارۋعا بايلانىستى قىزمەت بابىندا وزدەرىنە تاۋەلدى مەملەكەتتىك قىزمەتشىلەردەن جانە وزگە ادامداردان جالپى قامقورلىعى ءۇشىن سىيلىقتاردى الۋ - مەملەكەتتىك قىزمەتكە كىر كەلتىرەتىن تارتىپتىك تەرىس قىلىقتار بولىپ تانىلادى. مەملەكەتتىك قىزمەتشى بىلمەي كەلىپ تۇسكەن، سونداي- اق ول تيىستى فۋنكسيالارىن زاڭناما تالاپتارىن بۇزا وتىرىپ اتقارۋىنا بايلانىستى العان سىيلىقتار جەتى كۇن مەرزىمدە ارناۋلى مەملەكەتتىك قورعا وتەۋسىز تاپسىرۋعا جاتادى. وزىنە سىيلىقتار كەلىپ تۇسكەن مەملەكەتتىك قىزمەتشى جوعارى تۇرعان لاۋازىمدى ادامنىڭ كەلىسىمىمەن ولاردى اتالعان قوردان تيىستى جەردە قولدانىلىپ جۇرگەن نارىقتىق بولشەك ساۋدا باعاسى بويىنشا ساتىپ الۋعا قۇقىلى. سىيلىقتاردى ساتۋدان تۇسكەن اقشانى ارناۋلى مەملەكەتتىك قور رەسپۋبليكالىق بيۋدجەتكە اۋدارادى»، - دەلىنگەن اگەنتتىك مالىمەتىندە.
جالپى، 2018 -جىلدىڭ باسىنان باستاپ مەملەكەتتىك قورعا 1318 (2017 -جىلى - 361) مەملەكەتتىك قىزمەتشى سىيلىقتى تاپسىردى.
سونىمەن قاتار، «قازاقستان رەسپۋبليكاسىنىڭ مەملەكەتتىك قىزمەت تۋرالى» زاڭنىڭ تالابىن بۇزعانى ءۇشىن 2 مەملەكەتتىك قىزمەتشى تارتىپتىك جاۋاپكەرشىلىككە تارتىلدى.
بۇدان بۇرىن حابارلانعانداي، مەمقىزمەتشىنىڭ تەلەفونىنا بىرلىك سالعان تۇرعىنعا 330 مىڭ تەڭگە ايىپپۇل سالىندى.
سونىمەن قاتار، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتىگىنىڭ ءتوراعاسى اليك شپەكبايەۆ مەملەكەتتىك قىزمەتكەرلەرگە ورىنسىز «سىيلىقتار جاساۋدىڭ» قايدا اپارىپ سوعاتىندىعىن ەسكەرتكەن بولاتىن.
اۆتور: رۋسلان عابباسوۆ