باقىتجان ساعىنتايەۆ الاڭداتارلىق ماسەلەنى اتادى
«جول قۇرىلىسى بويىنشا ەشقانداي كەدەرگى جوق، قارجى بولىنگەن، بارلىعى ۋاقىتىمەن جۇرگىزىلىپ جاتىر. قوسىمشا وبلىسارالىق جولداردىڭ دا قۇرىلىسى باستالىپ كەتتى. باعدارلامادا كورسەتىلگەن ماسەلەلەردىڭ بارلىعى ۋاقىتىندا شەشىلەتىن بولادى. كولىكتىك-لوگيستيكالىق ينفراقۇرىلىم بويىنشا دا كوپتەگەن جۇمىس اتقارىلىپ جاتىر. ەنەرگەتيكا ينفراقۇرىلىمى بويىنشا دا جۇمىس جۇرگىزىلۋدە. ەندى ءبىزدى الاڭداتاتىن ماسەلە - بۇل تۇرعىن ءۇي-كوممۋنالدىق شارۋاشىلىعىمەن بايلانىستى. ولاردىڭ توزىعى جەتكەندەرىنىڭ مولشەرى 60 تان 57 پايىزعا تومەندەدى»، - دەدى پرەمەر-مينيستر.
ۇكىمەت باسشىسى ەلباسى نۇرسۇلتان نازاربايەۆ قاۋىپسىزدىك كەڭەسىندە بۇل ماسەلەگە باسا نازار اۋدارىپ، ءبىرقاتار تاپسىرما بەرگەنىن ەسكە سالدى.
«بولىنگەن قارجى، بەكىتىلگەن تاريف وسى قۇرىلىمداردى جاڭعىرتۋعا جۇمسالۋى قاجەت. بۇل جونىنەن قوسىمشا جۇمىستار اتقارىپ جاتىرمىز. وسى ماسەلەلەردى قاتاڭ باقىلاۋعا الۋلارىڭىزدى سۇرايمىن. اسقار ۇزاقباي ۇلى (قر پرەمەر- ءمينيسترىنىڭ ءبىرىنشى ورىنباسارى)، باقىلاۋعا الىڭىز»، - دەدى باقىتجان ساعىنتايەۆ ۇكىمەت مۇشەلەرىنە قاراتا.