قىتاي ءوزىنىڭ جەكە جاھاندىق ناۆيگاتسيالىق جۇيەسىن ىسكە قوسىپ جاتىر
Beidou جاھاندىق ناۆيگاتسيالىق جۇيەسىنىڭ سەرىگىن ۇشىرۋعا شەتەلدىك جۋرناليستەردى العاش رەت كىرگىزدى.
«بۇل سەرىكتەر Beidou-3 سەرياسىنىڭ 18 جانە 19-سەرىكتەرى. بۇل سپۋتنيكتەر جوعارى ساپالى سيگنالدى قامتاماسىز ەتە الادى جانە جاڭا فۋنكتسيالارمەن جابدىقتالعان. اتاپ ايتقاندا، سپۋتنيكتەر اراسىنداعى بايلانىسقا قولداۋ كورسەتە الادى، ىزدەستىرۋ جانە قۇتقارۋ جۇمىستارىن باقىلايدى جانە ت. ب. سونىمەن قاتار، جاڭا سپۋتنيكتىڭ قىزمەت كورسەتۋ مەرزىمى 10-12-جىلدى قۇرايدى. بۇرىنعى سەرىكتەردىڭ مەرزىمى 8 جىلدان ەدى. جالپى، بۇل ۇشىرىلىم Beidou-3 جۇيەسىنىڭ نەگىزگى تىرەگىنىڭ وربيتادا ورنالاسۋىنىڭ جانە جاھاندىق قىزمەت كورسەتۋ جەلىسىن قالىپتاستىرۋعا كوشۋدى اياقتاۋدى بىلدىرەدى»، - دەدى قىتاي جۇيەلىك سپۋتنيكتىك ناۆيگاتسيالاردى باسقارۋ كەڭسەسىنىڭ جەتەكشىسى جان چەنتسي.
ونىڭ ايتۋىنشا، «Beidou-3» سپۋتنيكتەرى بار ناۆيگاتسيالار جۇيەسى 2018-جىلدىڭ سوڭىندا قولدانىسقا ەنگىزىلەدى جانە «ءبىر بەلدەۋ، ءبىر جول» باستاماشى ەلدەرىنە قىزمەت كورسەتۋگە كىرىسەدى. ال، 2020-جىلدان باستاپ بۇكىل الەمدەگى ابونەنتتەرگە قىزمەت كورسەتپەك.
