ارگەنتينالىق بىلتىر جوعالعان سۇڭگۋىر قايىق تابىلدى

None
None
استانا. قازاقپارات - ارگەنتينادا «سان- حۋان» سۇڭگۋىر قايىعىندا قازا تاپقانداردى ءۇش كۇن ازا تۇتۋ جاريالاندى. ەل پرەزيدەنتى ماۋريسيو ماكري «بۇكىل شىندىقتى ءبىلۋ ماقساتىندا بايىپتى تەرگەۋ» باستالاتىنى تۋرالى مالىمدەگەن.



«سان- حۋان» سۇڭگۋىر قايىعى تابىلعانى جايلى اقپارات قاراشانىڭ 17- كۇنى تاراعان. ارگەنتينا قورعانىس مينيسترلىگى سۋبمارينانىڭ تەڭىزدىڭ 900 مەتردەن استام تەرەڭ تۇسىندا جاتقانى تۋرالى حابارلاعان. قايىق سىنىقتارى راديۋسى 100 شارشى كيلومەتر اۋماققا شاشىلعان. سۋ قىسىمىنان قايىقتىڭ ءبۇيىرى قاتتى زاقىمدانعان. قورعانىس مينيسترلىگى وزىندە سۇڭگۋىر قايىقتى تەڭىز تابانىنان كوتەرەتىن قاجەتتى تەحنيكانىڭ جوعىن ايتقان.

ارگەنتينا اسكەري- تەڭىز كۇشتەرىنىڭ «سان- حۋان» سۇڭگۋىر قايىعى بىلتىر قاراشانىڭ 15- كۇنى اتلانت مۇحيتىنا جورىققا اتتانعاننان كەيىن كوپ ۇزاماي راداردان جوعالىپ، بايلانىس ءۇزىلىپ قالعان. قايىقتا بارلىعى 44 ادام بولعان. 2017 -جىلى 5 - جەلتوقساندا ارگەنتينا بيلىگى سۇڭگۋىر قايىق ەكيپاجى تۇگەلدەي قازا بولدى دەپ رەسمي تۇردە جاريالاعان. سۇڭگۋىر قايىقتى ىزدەستىرۋگە وننان استام ەل، سولاردىڭ اراسىندا ا ق ش، ۇلى بريتانيا مەن رەسەي دە اتسالىسقان.

www.azattyq.org

سوڭعى جاڭالىقتار