ايەلدەر قاۋىمى ەرلەرگە ءجيى ايتاتىن وتىرىك تۇرلەرىن بىلەسىز بە؟

استانا. قازاقپارات - عالىمدار الەمدە شىندىقتى عانا ايتاتىن ادامدار وتە از ەكەنىن ايتادى.

وعان اركىمنىڭ وزىندىك سەبەپتەرى دە بار. ەرلەرمەن اڭگىمەلەسۋ بارىسىندا ايەلدەر دە ءبىراز وتىرىك ايتاتىنى دا جاڭالىق ەمەس دەپ حابارلايدى segodnya.ua.

ايەلدەردىڭ ەر ادامدارعا ءجيى وتىرىك ايتاتىن كەزدەرى:

1. سۇيىكتىلەرى وزدەرىن جاقسىراق سەزىنۋى ءۇشىن ايەلدەر وتىرىككە جۇگىنەدى

كەز كەلگەن ەركەك ءۇشىن ايەلدىڭ وزىنە تاۋەلدى ەكەنىن ءبىلۋ باقىت سەزىمىن سىيلايدى. مىنە، وسى سەبەپتى ايەلدەر قاۋىمى ادەتتە وزدەرى شەشە الاتىن ماسەلەلەردى اسىرەلەپ، السىزدىك تانىتىپ ەر ادامنىڭ قولىنا تابىستاپ جاتادى.

2. وزدەرىنىڭ كەم تۇستارىن جاسىرۋ

ايەلدەر قاۋىمى وزدەرىنىڭ كەمشىلىكتەرىن بارىنشا جاسىرادى. ءتىپتى كوپتەگەن بويجەتكەن وزدەرىنىڭ بۇرىنعى سۋرەتتەرىنىڭ ىشىندەگى ءساتسىز شىققاندارىن جىگىتتەرىنە مۇلدەم كورسەتپەۋگە تىرىسادى.

3. ايەلدەر بۇرىندارى كەزدەسىپ جۇرگەن ەر ادامداردىڭ ناقتى سانىن ايتپايدى

بۇل راس. ويتكەنى كەز كەلگەن ايەل اتاۋلىسى ءوزىنىڭ بۇرىندا بولعان قارىم-قاتىناستارىنىڭ شىنايى سانىن ايتقان جاعدايدا، ۇناتىپ قالعان ەر ادام كەتىپ قالۋى ابدەن مۇمكىن دەپ ويلايدى.

4. ولار جۇمساعان اقشانىڭ شىنايى سومماسىن ايتپايدى

ەگەر ايەل ادام دۇكەن ارالاۋعا بارسا، وندا كوپ جاعدايدا سۇيىكتىسىنە شىن مانىسىندە جۇمساعان قارجىسىن جاسىرىپ قالادى. وعان ساۋدا جاساپ جۇرگەندە قولداعى اقشاسىن تەز ءارى قاجەتسىز دۇنيەلەرگە جاراتىپ تاستاۋعا جاقىن ايەلدەر قىلىعى سەبەپ بولسا كەرەك.

5. بۇرىنعى سۇيىكتىسىمەن سويلەسكەنى جايلى قىزدار ەشقاشان ايتپاۋدى ءجون كورەدى

كوپتەگەن ايەلدەر بۇرىنعى جىگىتىمەن ارادا بولعان اڭگىمە جونىندە تولىق جاۋاپ بەرمەيدى. قاجەت ەمەس تۇستارىن ولار بارىنشا جاسىرىپ قالۋعا تىرىسادى. ءتىپتى عاشىعىڭىزدىڭ قاسىندا وتىرعاندا وعان بۇرىنعى جىگىتى قوڭىراۋ شالىپ قالسا، ول حابارلاسقان ادامنىڭ شىن مانىسىندە كىم ەكەنىن ايتپاي، باسقا ادامعا سىلتەي سالادى.

6. وزىنە عاشىق بولىپ، ارتىنان جۇگىرگەن تابىنۋشىلار سانىن اسىرەلەپ جىبەرەدى

كەز كەلگەن ايەل ادام ءوزىنىڭ سۇيىكتىسى ونى ودان بەتەر باعالاۋى ءۇشىن وسىنداي وتىرىك ايتىپ جاتادى. ولار بۇرىندارى ارتىنان جۇگىرىپ، ءارى قۇلاي سۇيگەن ەر ازاماتتاردىڭ سانىن اسىرەلەپ جىبەرەدى، ءتىپتى شىن مانىسىندە اشەيىن عانا قىزىعۋشىلىق بىلدىرگەن ەركەكتەر دە بۇل ءتىزىم قاتارىنا كىرىپ كەتەدى.

7. سۇيىكتىسىنىڭ بەت-بەينەسى جايلى

ەر ادام سالونعا بارىپ شاشىن قيىپ كەلگەن ساتتە ءوزىن جاقسى سەزىنەتىنى ءسوزسىز. الايدا ونىڭ سۇيىكتىسىنە ول اركەز ۇناي بەرمەيدى. جالپى ايەلدەر قاۋىمىنا ەرلەردىڭ شاشىن قىسقارتىپ تاستاعان كەزدەرى كوڭىلىنەن شىعا بەرمەيدى. جىگىتتىڭ بويىنا سەنىمسىزدىك ۇيالاتپاس ءۇشىن قىز بالا جاڭا شاش ۇلگىسىن تاماشا شىقتى دەپ الداپ جاتادى.

8. كۇنى بويى نە ىستەگەنى جايلى تولىققاندى شىنايى مالىمەت بەرىلمەيدى

اسىرەسە كۇنىن قۇربىلارىمەن وتكىزگەن ۋاقىتى جونىندە استارلاپ ايتقاندى ەشبىر ايەل ۇناتپاسى انىق. ماسەلەن دوستارىمەن ايتقان قۇپيالارى مەن ەسسىز قىلىقتار جاسىرىن قالىپ قويادى. سول سەبەپتى ايەلدەر كوپ جاعدايدا سۇيىكتىلەرىنىڭ تىنىشتىعى ءۇشىن وتىرىك ايتادى.