گەرمانيادا ەكى ۇشاق سوقتىعىستى

استانا. قازاقپارات - گەرمانيادا ەركەلەنتس-كيۋكحوۆەن اۋەجايى ماڭىندا ەكى جەڭىل موتورلى ۇشاق سوقتىعىستى، دەپ حابارلايدى Rheinische Post.

ولاردىڭ بىرەۋى تولىقتاي جانىپ كەتكەن. 70 جاستاعى ۇشقىش وقيعا ورنىندا قازا تاپتى.

ال ەكىنشى ۇشاقتا بولعان 60 جاستاعى ۇشقىش اۋرۋحاناعا جەتكىزىلگەن. دارىگەرلەردىڭ ايتۋىنشا، ونىڭ جاعدايى اسا اۋىر.

اپات سالدارى ازىرگە بەلگىسىز. ۇشقىشتاردىڭ ەكەۋى دە تاجىريبەلى، ۇزاق ۋاقىت جەرگىلىكتى اەروكلۋبتىڭ مۇشەسى بولعان.

وقىس وقيعانىڭ سەبەپ-سالدارى تەكسەرىلىپ جاتىر.

الدىن الا بولجامعا قاراعاندا، ۇشاقتاردىڭ ءبىرى قونۋعا بەت العان، ال ەكىنشىسى اۋەگە كوتەرىلگەن.

قازىرگى ۋاقىتتا قۇقىق قورعاۋ ورگاندارى اپاتتىڭ نە سەبەپتى بولعاندىعىن تەكسەرىپ جاتىر.