تالدىقورعاندا حالىقارالىق جىرشىلار فەستيۆالى ءوتتى

None
None
تالدىقورعان. قازاقپارات - تالدىقورعاندا وربۇلاق شايقاسىنىڭ 375 جىلدىعىنا وراي «اسىل مۇرا» اتتى جىرشىلاردىڭ حالىقارالىق فەستيۆال-شەرۋى ءوتتى.

شاراعا تۇركىتىلدەس ەلدەردىڭ 10 نان استام جىرشىسى كەلدى، دەپ حابارلايدى قازاقپارات ءتىلشىسى.

ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا ۇيىمداستىرىلعان فەستيۆالگە تۇركيا، قىرعىزستان، قاراقالپاقستان ەلدەرى مەن قازاقستاندىق جىرشىلار قاتىسىپ، ۇلتتىق ونەرلەرىن قالىڭ جۇرتقا پاش ەتتى. فەستيۆال ماقساتى - ۇلتتىق ونەرىمىزدى ساقتاپ، كەيىنگى ۇرپاققا جەتكىزۋ جولىندا جىرشى-جىراۋلاردىڭ ەسىمدەرىن كەڭىنەن ناسيحاتتاۋ.

جىرشىلاردىڭ شىعارماشىلىعىن وسكەلەڭ ۇرپاققا ۇلگى ەتە وتىرىپ، ەلىمىزدەگى جىرشىلىق ءداستۇردى قايتا جاڭعىرتۋ. جاس ۇرپاقتى ۇلتتىق ونەرىمىزدىڭ قىر-سىرىنا باۋلىپ، ادەبيەتى مەن تاريحىن تانۋعا مۇمكىندىك جاساپ، ونەر شەبەرلەرىنىڭ شىعارماشىلىعىنا تىڭ سەرپىن بەرۋ، دەيدى ۇيىمداستىرۋشىلار.

تۇركيانىڭ انكارا قالاسىنان كەلگەن حالىقارالىق بايقاۋلاردىڭ لاۋرەاتى، جىرشى يرفان گيۋردال جىراۋلىق ونەر تۇركى دۇنيەسىن بىرىكتىرەتىنىن ايتادى. جىرلار مەن داستاندار بارىمىزگە ورتاق قازىنا دەپ اتاپ وتكەن ونەر يەسى فەستيۆالدە «كوروعلۋ» داستانىن ورىندادى.

 

سوڭعى جاڭالىقتار