بالانى قالاي جىلدام ۇيىقتاتۋعا بولادى؟

 استانا. قازاقپارات - بالانى ۇيىقتاتۋ كوپتەگەن اتا- انالار ءۇشىن وڭاي ءىس ەمەس. بالانىڭ ەمەتىن كەزىنەن باستاپ كۇن ءتارتىبىن ساقتاۋى، دۇرىس تاماقتانۋى جانە دۇرىس ۇيقىسى ماڭىزدى ورىن الادى.

 بالانى قالاي ۇيىقتاتۋعا بولادى؟

- تەربەۋ. كەز كەلگەن جاستا بالانى ۇيىقتاتۋدىڭ ەڭ وڭاي جولى - ونى تەربەۋ. ونى قولدا نەمەسە اياقتا تەربەتسەڭىز، جىلدام ۇيىقتاپ كەتەدى.

- بىرگە جاتۋ. كەي بالالار اناسىنىڭ قاسىندا جاتىپ ۇيىقتاعاندى جاقسى كورەدى. بۇل كەزدە بالامەن ءوزارا تىعىز قاتىناستى بەكىتۋگە جانە ازداپ دەمالىپ الۋعا بولادى. ءبىراق، اناسىنىڭ دا ۇزاق ۇيقىعا كەتىپ قالۋ قاۋپى بار. سوندىقتان، بالانى ۇيىقتاتىپ، جاسايتىن شارۋالارىڭىزدى جوسپارلاپ وتىرساڭىز، بۇل ءادىستى قولدانباعان ءجون.

- ءان ايتۋ. اناسىنىڭ مەيىرىمدى داۋسىنا كوپ بالالار بىردەن ۇيىقتاپ كەتەدى.

- ەرتەگى ايتۋ. بالانى توسەككە جاتقىزىپ، جاي داۋىسپەن مەيىرىمدى ەرتەگى وقۋ ارقىلى بالانى كىتاپ وقۋعا باۋلۋعا جانە ۇيىقتاپ كەتۋىنە كومەكتەسۋگە بولادى.

 - جاقسىلاپ قىدىرتۋ. ەگەر بالاڭىز وتە بەلسەندى بولسا، ونى الدىمەن تازا اۋاعا شىعارىپ، ويناتىپ، جۇگىرتىپ، ءبىراز شارشاتۋ كەرەك. سول كەزدە ءسىزدىڭ تىرىسۋىڭسىز ءوزى ۇيىقتاپ قالادى.

- سۋعا ءتۇسىرۋ. ۇيىقتار الدىندا بالانى سۋعا تۇسىرسەڭىز، ول وڭاي ۇيىقتاپ كەتەدى. اسىرەسە، سۋعا تابيعي شوپتەر قوسساڭىز، جاقسى اسەر بەرەدى.

Massaget.kz