نۇرسۇلتان نازاربايەۆ مينتيمەر شايميەۆكە كوڭىل ايتتى

 استانا. قازاقپارات - ق ر پرەزيدەنتى نۇرسۇلتان نازاربايەۆ تاتارستان رەسپۋبليكاسىنىڭ تۇڭعىش پرەزيدەنتى مينتيمەر شايمييەۆكە كوڭىل ايتۋ جەدەلحاتىن جولدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

 مەملەكەت باسشىسى تاتارستان رەسپۋبليكاسىنىڭ تۇڭعىش پرەزيدەنتى مينتيمەر شايميەۆتىڭ زايىبىنىڭ قايتىس بولعانى تۋرالى حاباردى زور كۇيزەلىسپەن قابىلدادى. «ءسىزدىڭ سەنىمدى تىرەگىڭىز، ومىرلىك سەرىگىڭىز جانە بالالارىڭىزدىڭ اناسى ساكينا شاكىر قىزىنىڭ قايتىس بولعانى تۋرالى حاباردى زور كۇيزەلىسپەن قابىلدادىم. سىزگە جانە وتباسىڭىزعا ورنى تولماس قايعىعا وراي بارشا قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن. ساكينا شاكىر قىزىنىڭ جارقىن بەينەسى تاتارستاندىقتاردىڭ جۇرەگىندە ءاردايىم ساقتالاتىنىنا سەنىمدىمىن» ، - دەلىنگەن جەدەلحاتتا.