قازاقستاندى سۋىق جانە قارلى قىس كۇتۋدە
بۇگىنگى تاڭدا ىشكى ىستەر ءمينيسترىنىڭ ورىنباسارى يۋري يلين تۇرعىندارعا اۋا- رايىنىڭ قولايسىزدىعىنا بايلانىستى قالادا جانە قالانىڭ سىرتىندا ورىن الۋى مۇمكىن جول اپاتتار جايلى ەسكەرتتى.
مينيستر ورىنباسارى حالىققا قاراپايىم قاۋىپسىزدىك ەرەجەلەرىن ساقتاۋعا جانە جولداردىڭ جابىلعانى تۋرالى توتەنشە حابارلامالارعا قۇلاق ءتۇرۋدى ۇسىندى.
شەنەۋنىكتەر قىستىڭ نەگىزگى پروبلەماسى قالا سىرتىنداعى تراسسالار ەكەنىن مويىنداۋدا. ناقتىلاپ ايتاتىن بولساق، ولاردىڭ قولايسىز اۋا رايى كەزىندەگى جاعدايى نەگىزگى ماسەلە بولىپ تابىلادى. بۇل اسىرەسە الماتى جانە اقمولا وبلىستارىنىڭ قولدانىستاعى اۆتوجولىنا قاتىستى. ال بيىل وعان پاۆلودار- استانا جولدارى قوسىلادى. ونىڭ ۇستىنە جولدىڭ تايعاقتىعى ازداي سونىمەن قاتار، «قازاۆتوجول» تاس جولداردى ۋاقىتىندا تازارتپايدى. ءيليننىڭ ايتۋىنشا، ولاردا جابدىقتار جەتكىلىكسىز.
تاعى ءبىر سەبەپ - جۇرگىزۋشىلەردىڭ ءوزى البىرتتىق تانىتادى. كوپشىلى ناشار شينامەن جۇرەدى جانە كەيبىرى جىلدامدىق ءتارتىبىن ساقتامايدى.
ەكىنشى ماسەلە قالالارداعى قۇرىلىمداردىڭ، عيماراتتاردىڭ قاسبەتتەرى، باعانالار مەن جارنامالىق قالقانداردىڭ قۇلاۋىنان بولاتىن ادامداردىڭ قاۋىپسىزدىگى بولماق. سوعان بايلانىستى ىشكى ىستەر مينيسترلىگىنىڭ قۇرىلىسشىلار مەن نىسانداردى قابىلدايتىن شەنەۋنىكتەرگە ايتار تالاپ- تىلەگى بار.
«قانداي دا ءبىر نىسان پايدالانۋعا بەرىلگەننەن كەيىن، ءبىزدىڭ ءۇش جىل بويى ونى تەكسەرىپ بارۋعا قۇقىعىمىز جوق. ءبىراق ءۇش جىلدان كەيىن، تەكسەرۋگە شىققاندا ءورت قاۋىپسىزدىگىنەن باستاپ كوپتەگەن ەرەجەلەر مەن نورمالاردىڭ بۇزىلعانىن انىقتايمىز. ال بۇل عيماراتتاعى ادامدارعا ءقاۋىپ توندىرەدى» ، - دەيدى قازاقستان رەسپۋبليكاسى ىشكى ىستەر مينيسترلىگىنىڭ ۆيتسە- ءمينيسترى يۋري يلين.