ديماشتى لوندوندا الەمنىڭ تۇكپىر- تۇكپىرىنەن كەلگەن جانكۇيەرلەرى قارسى الدى

  استانا. قازاقپارات - ديماش قۇدايبەرگەن لوندونعا ۇشىپ كەلدى. تانىمال ءانشىنى بريتان استاناسىنداعى اۋەجايدا الەمنىڭ تۇكپىر- تۇكپىرىنەن كەلگەن جانكۇيەرلەرى قارسى الىپ، وسى ءساتتى ۆيدەوعا ءتۇسىرىپ الەۋمەتتىك جەلىدەگى پاراقشالارىندا جاريالاۋدا، دەپ حابارلايدى قازاقپارات.

ايتا كەتەرلىگى، 19 -قاراشادا ديماش قۇدايبەرگەن قازاقستاننىڭ  ۇلى بريتانياداعى مادەنيەت كۇندەرى بارىسىندا جەكە كونسەرت قويادى. وندا ديماش اندەرىنىڭ 60 پايىزىن قازاقشا شىرقايتىنى جاريا ەتىلگەن بولاتىن. «لوندونداعى اتالمىش كونسەرت زالىندا 2 مىڭ ورىن بار. ودان بولەك، فان- اۋماق بار. جالپى،  4600 ورىن بولادى. بارلىق بيلەتتەر ساتىلىپ كەتتى» ، - دەدى ارىستانبەك مۇحامەدي ۇلى ديماش قۇدايبەرگەنمەن كەزدەسۋ بارىسىندا. سونداي- اق، ديماشتىڭ جەكە كونسەرتىنە اقتوبەلىك وقۋشى قىز قاتىساتىن بولدى.