قىرعىزستاندىق تاكسيستىڭ ارەكەتى جۇرتتى ءسۇيسىنتتى
ماسكەۋ قالاسىنىڭ تۇرعىنى ۆاريا بورتسوۆا الەۋمەتتىك جەلىدە «ءسىزدىڭ ادامزاتقا سەنىمىڭىزدى قالپىنا كەلتىرەتىن وقيعا» دەگەن جازبا قالدىرعان. ۆاريا جازباسىندا ادىلەتتى جانە مەيىرىمدى جىگىت تۋرالى باياندايدى. ول تاكسيدە جوعالعان ءاميانىن جولاۋشىعا قايتارىپ بەرگەن. ءامياندا قۇجاتتار مەن اقشا بولعان.
تاكسيست ماسكەۋدە جۇمىس ىستەيتىن قىرعىزستان ازاماتى ەكەن. ول جولاۋشىعا ءامياندى قايتارىپ بەرۋ ءۇشىن ونى ءۇيىنىڭ جانىندا 8 ساعات كۇتكەن.
«مەن ماسكەۋگە تاڭعى 5 تە ۇشىپ كەلدىم. ۇيگە قايتۋ ءۇشىن اۋەجايدان تاكسي ۇستادىم. تاكسيستپەن جولدا سويلەستىك. ۇيگە جەتكەن سوڭ، ۇيىقتادىم. ويانعان سوڭ، تاكسيدە ءاميانىمدى ۇمىتقانىمدى ءتۇسىندىم. ونىڭ ىشىندە اقشا، بانك كارتالارى، قۇجاتتار بولاتىن. شۇعىل جەلى ارقىلى تاكسي قىزمەتىن ىزدەۋگە جارتى ساعاتتاي ۋاقىت كەتتى. ءبىراق مەن تاكسي شاقىرعان جوقپىن. ونى كوشەدەن ۇستادىم. ءبىراق ءىستى قيىنداتىپ جىبەردىم. مەن قۇجاتتارىم قىلمىسكەرلەردىڭ قولىنا تۇسكەن شىعار دەپ ۋايىمداۋمەن بولدىم. ولار مىندەتتى تۇردە مەنىڭ قۇجاتتارىم مەن بانك كارتالارىمدى پايدالانادى دەپ ويلادىم» ، - دەيدى ۆاريا بورتسوۆا ءوز جازباسىندا.
كەيىن ماسكەۋلىك تۇرعىن قىرعىزستاندىق تاكسيستىڭ اركەكەتىنە سۇيسىنگەنىن جازادى.
«مەن كارتالاردى بۇعاتتاپ، قۇجاتتاردى قالپىنا كەلتىرۋگە دايىندالا باستادىم. كەنەتتەن اكەم «كوشەدە تاكسيست تۇر. مۇمكىن، ول سول جۇرگىزۋشى شىعار» دەدى. ول مەنى 8 ساعات بۇرىن ۇيگە جەتكىزىپ سالعان، قىرعىزستاندىق تاكسيست ەكەن. ونىڭ قولىندا مەنىڭ ءاميانىم بولدى. ول ءبىزدىڭ ۇيدەن شىققان ءاربىر ادامنان مەنى سۇراعان» ، - دەيدى ول.
وسىدان سوڭ كەيىپكەر بىردەن سىرتقا شىققان.
«ول مەنى «ءسىز قايدا بولدىڭىز؟ قالاي ۇزاق ۇيىقتاۋعا بولادى؟ مەن توڭىپ قالدىم» . مەن جىلادىم. ول دا كوز جاسىنا ەرىك بەردى. مەن ونى قۇشاقتادىم. ول شىنىندا دا توڭىپ قالىپتى. قازىر قاراشا ايىنىڭ ورتاسى عوي. ءبىز رەسەيدەمىز. ونىڭ مەنى تاكسي قىزمەتى ارقىلى تاپقىسى كەلگەنىن ءبىلدىم. ءبىراق ول ويىنان تۇك شىقپاعان. كەيىن ول مەنىڭ ۇيىمە كەلىپ، 8 ساعات بويى كۇتكەن. ءتىپتى مەن ونىڭ تاماقتانۋعا بارعان- بارماعانىن دا بىلمەيمىن. ول وتە ادىلەتتى ازامات ەكەن. ەموتسياعا بەرىلىپ، ونىڭ اتىن سۇراۋدى دا ۇمىتىپ كەتىپپىن. ءبىز وعان تاكسي قىزمەتىنە تولەگەن اقشادان 5 ەسە كوپ مولشەردە اقشا بەردىك. بۇل مەنى كۇتۋگە كەتكەن شىعىننىڭ ورنىن تولتىراتىن شىعار. مەنىڭ وعان العىسىم شەكسىز. ونىڭ اتا- اناسى وسىنداي ازاماتتى تاربيەلەپ، بۇگىنگى تاڭدا مۇمكىن ەمەس دۇنيە بولىپ سانالاتىن دۇنيەدى جاسادى عوي» ، - دەيدى ماسكەۋلىك تۇرعىن.
Baq.kz