ۇشاقپەن ساياحاتقا شىعار الدىندا

استانا. قازاقپارات - كوپتەن كۇتكەن دەمالىس ناۋقانى باستالار شاق جاقىن. وتباسىلار نەمەسە بويداق جاندار ءبىر جىل بويى تىرنەكتەپ جيعان اقشاسىن الىپ، الىس شەتەلگە ۇشاقپەن ساياحاتتاۋعا بارادى.

 وسىلايشا جولعا شىققان جولاۋشى ۇشاقتاعى جەكە قۇقىعى مەن قاراپايىم ەرەجەنى بىلمەي جاتادى. وسىنى ەسەپكە الا وتىرىپ، بىرەر مالىمەتپەن ءبولىسۋدى ءجون كوردىك:

 1. ۇشاق جايلى اقپارات بوين 767 ۇشاعىنىڭ 3,1 ميلليون بولشەگى بار. ول بولشەكتەر ءارتۇرلى ەلدە شىعادى. مىسالى، فيۋزەلياجى جاپونيادا جاسالسا، قاناتى وڭتۇستىك امەريكادا وندىرىلەدى. ۇشاق ەسىگى ورتاشا ەسەپپەن 40 ك گ، ال سۋسىنى مەن تاماعى سالىنعان ارباسى 90 ك گ. مۇنىمەن قاتار، كۇنىنە ءبىر ۇشاق نايزاعاي جارقىلىنا كۇيەدى. ءبىراق ۇشاقتىڭ قورعايتىن قاباتى بولاتىندىقتان، ونى ىشىندە وتىرعان جولاۋشىلار بايقامايدى. ۇشاقتى ادەتتە ادام باسقارعانىمەن، بۇل قىزمەتتىڭ جارتىسىن اۆياپيلوت ورىندايدى. گولليۆۋد فيلمدەرى جوققا شىعارعىسى كەلسە دە، شىندىعىندا، ۇشۋ بارىسىندا ۇشاقتىڭ ەسىگىن اشىپ قويۋ مۇمكىن ەمەس. «قارا جاشىك» اشىق ءتۇستى، ءارى ءپىشىنى دوڭگەلەك بولىپ كەلەدى. اپات كەزىندە ورىن الاتىن قايعىلى وقيعاعا بايلانىستى عانا وسىلاي اتالادى. ۇشاقتىڭ  37650 مەترگە دەيىن ۇشۋ قابىلەتى بار. بۇل كورسەتكىش 1977 -جىلعى كەڭەس وداعىنىڭ ۇشاعى كب ميكويانعا تيەسىلى. بۇدان وزگە 600 18 شاقىرىمعا دەيىن قاتىناي الادى.

 2. ۇشقىشتار جايلى اقپارات ءبىر قىزىعى كەي كومپانيا ەكى ۇشقىشقا ەكى ءتۇرلى تاماق بەرەدى ەكەن. ياعني بىرەۋى ۋلانىپ قالسا، ەكىنشىسى ۇشاقتى جۇرگىزە بەرەدى. ۇشاققا بايلانىستى اپاتتى جاعداي بولسا، ونىڭ قىزمەتكەرلەرى بۇل تۋرالى جولاۋشىلارعا ايتپايدى. تەك اپاتتىڭ بەتىن قايتارۋ مۇمكىن ەمەس بولعان جاعدايدا عانا ايتۋعا قۇقىلى. كەي ۇشقىش سۋىق قارۋمەن قارۋلانىپ، ارنايى دايىندىق كۋرسىنان وتەدى. كەيدە ۇشقىشتاردىڭ تاماقتانىپ العىسى كەلسە، رەيستەردى ادەيى بوگەيتىن ادەتى بار.

 3. ستيۋاردەسسا جايلى اقپارات ستيۋاردەسسا ۇشاق مۇمكىندىكتەرىن، قاۋىپسىزدىك ەرەجەسىن، العاشقى كومەك كورسەتۋدى، (بالا بوساندىرۋ، جاساندى دەم بەرۋ، جۇرەككە ۋقالاۋ جاساۋ) ءبىلۋى ءتيىس. قانداي وقيعا بولماسىن، جولاۋشىعا جاعداي جاساپ بەرۋ ولاردىڭ مىندەتى. جارتى جىلدا ءبىر رەت اۆيوكومپانيالار تەست ەمتيحانىن قابىلدايدى. ارتىنشا جىل سايىن بىلىكتىلىكتى جوعارىلاتۋ ءۇشىن قاجەتتى كۋرستارعا جىبەرەدى.

4. تاعام جايلى اقپارات ۇشاق شۇمەكتەرىنەن (كران) سۋ ىشپەگەنىڭىز ءجون، ويتكەنى سۋ تازالىق نورماتيۆىنە ساي كەلمەيدى. ونىڭ ورنىنا بوتەلكەدەگى سۋسىن ىشسەڭىز بولادى. ەگەر تاماققا تويماي قالىپ جاتساڭىز، تاعى دا قوسىمشا اس سۇراۋىڭىزعا بولادى. مۇنىمەن قاتار مازىردەگى باسقا تاعامداردى ساتىپ الۋ مۇمكىندىگى بار.

 5. رەيستى بوگەيتىن بولسا ۇشاق بوگەلگەن ۋاقىتتا ساقتاۋ كامەراسىن قولدانۋ قۇقىعىڭىز بار. ەگەر رەيس:

- 2 ساعاتتان كوپ بوگەلەتىن بولسا، وندا ءسىزدىڭ ەكى رەت تەلەفون شالۋ مەن ەكى رەت حابارلاما جىبەرۋگە قۇقىعىڭىز بار.

 - 4 ساعاتتان كوپ بوگەلسە، كومپانيا قىزمەتكەرلەرىنەن ىستىق تاماق تالاپ ەتە الاسىز.

 - 7-10 ساعاتقا كەشىكسە، كومپانيادان قوناقۇي سۇراي الاسىز.

- ۇشاق كۇردەلى ماسەلە ەسەبىنەن بوگەلسە، بيلەت اقشاسىن (ساعاتىنا 25 پايىز، ءبىراق بيلەت باعاسىنىڭ 50 پايىزىنان اسپاۋى كەرەك) قايتارىپ بەرەدى.

Massaget.kz