سيفرلىق قازاقستان: مۇمكىندىگى شەكتەۋلى جاندار ۇيدە وتىرىپ تابىس تابا الادى
«ءبىزدىڭ قوعامدا مۇمكىندىگى شەكتەۋلى جاندار تابىس تابا المايدى دەگەن قاساڭ تۇسىنىك بار. ءبىراق، قازىر سيفرلاندىرۋ دامىعان زاماندا س م م، كوپيرايتينگ، باعدارلامالىق جاساقتاما سىندى قاشىقتىقتان جۇمىس ىستەۋگە بولاتىن ماماندىقتار بار. سوندىقتان الەۋمەتتىك قىزمەت كورسەتۋ باعىتىنداعى بىرنەشە پيلوتتىق جوبامىزدىڭ ءبىرى - مۇمكىندىگى شەكتەۋلى جانداردى سيفرلىق قۇرالدار بويىنشا وقىتۋعا ارنالعان. وسى ارقىلى ولار ۇيدە وتىرىپ، ەل قاتارلى تابىس تابا الادى. بۇل جوباعا باسا كوڭىل ءبولىپ وتىرمىز» ، - دەدى ناريمان مۇقىشيەۆ جۋرناليستەرگە بەرگەن سۇحباتىندا.
ونىڭ ايتۋىنشا، العاشقى پيلوتتىق جوبا استانا قالاسىندا جۇرگىزىلگەن جانە قازىر قاتىسۋشىلاردىڭ 80 پايىزى ناقتى تابىس تاۋىپ ءجۇر.
«باستى تالابىمىز - كەڭسەدە ۇزاق ۋاقىت وتىرا المايتىن، ۇيدە بولۋى قاجەت ادامداردى قايتا وقىتۋ ەدى. جوبامىزعا مۇمكىندىگى شەكتەۋلى جانداردان بولەك، انالار دا قاتىستى. قازىر بۇل جوبانى ءىرى قالالارعا عانا ەمەس، اۋداندارعا دەيىن كەڭىرەك تاراتقىمىز كەلەدى. سەبەبى، ادامداردىڭ ينتەرنەت ارقىلى استانا مەن الماتىدا عانا ەمەس، كەز كەلگەن جەردە قاراجات تابا الاتىنىن كورسەتكىمىز كەلەدى» ، - دەدى ۆيتسە- مينيستر.
اتالعان الەۋمەتتىك جوبانى ەڭبەك جانە حالىقتى الەۋمەتتىك قورعاۋ مينيسترلىگى، ب ۇ ۇ جانە قازاقستاندىق كومپانيالار بىرلەسىپ جۇزەگە اسىرادى. الداعى ۋاقىتتا رەسپۋبليكانىڭ بارلىق وڭىرىندە مىڭعا جۋىق مۇمكىندىگى شەكتەۋلى جانداردى وقىتۋ كوزدەلىپ وتىر.