يسلانديا ءمۇيىسى

None
None
 استانا. قازاقپارات - يسلانديا -  تابيعي رەسۋرستارعا وتە باي جانە الەمدەگى ەڭ اسەم جەرلەرىمەن تانىمال ەل. اتاقتى گەكلا جانارتاۋى وسىندا ورنالاسقان. يسلانديا دۇنيەجۇزىندەگى جانارتاۋى ەڭ كوپ ارال بولىپ سانالادى.

 ال كوگىلدىر ءمۇيىستىڭ گەوتەرمالدى سپاسى يسلانديانىڭ قوناقجايلىلىعىن كورسەتەتىن تانىمال تۋريستىك ورتالىقتاردىڭ ءبىرى. سپا ورتالىقتارى رەيكيانەس تۇبەگىندەگى گرينداۆيكتە ورىن تەپكەن. اۋا- رايىنىڭ ىستىق نەمەسە سۋىعىنا قاراماستان سۋدىڭ تەمپەراتۋراسى ءارقاشان 38-40 گرادۋستان تومەن بولمايدى. سۋ كولدى اشىق كوگىلدىر تۇسكە بولەيتىن مينەرالدى تۇز بەن كرەمنييگە وتە باي. يسلانديا كوگىلدىر ءمۇيىسىنىڭ گەوتەرمالدى سپاسى سۋدىڭ جىلى اعىمى دەنساۋلىققا پايدالى ديوكسيد كرەمنيى مەن كۇكىرت سەكىلدى پايدالى قازبالارعا تولى.



دارىگەرلەر سۋدىڭ شيپاسىن ايتىپ، كولدىڭ پسورياز سياقتى كەيبىر تەرى اۋرۋلارىنان ەمدەپ جازا الاتىن قاسيەتى بارىن جاريا ەتىپ جاتىر. قازىرگى كەزدە اتالعان سپا ورتالىعىنىڭ ماڭىندا ارنايى تەرى اۋرۋلارىمەن جۇمىس جاسايتىن ەمدەۋ ورىندارى اشىلعان. ولاردىڭ نەگىزگى قىزمەتى -  كولدىڭ بۇكىل مينەرالدى بايلىعىن ءتۇرلى سىرقاتقا قولدانىپ، جاڭا ەم شارالارىن ويلاپ تابۋ بولىپ تابىلادى.



 يسلانديانىڭ قولدان جاساعان كوگىلدىر ءمۇيىسى كولگە جاقىن جەردە ورنالاسقان Svartsengi اتتى گەوتەرمالدى ەلەكتروستانتسياسىمەن سۋدى ەكى كۇن سايىن اۋىستىرىپ وتىرادى. سۋ بۋعا اينالعاننان كەيىن لاۆالىق تولقىندار ارقىلى تۋربينالاردى ىسكە قوسىپ، ەلەكتر ەنەرگياسىن وندىرەدى.



 تۋربينادان وتكەن بۋ مەن جىلى سۋ مۋنيتسيپالدى جىلىتۋ جۇيەسىنەن جىلۋ الۋ ءۇشىن جىلۋ الماستىرعىشتان وتەدى. ودان كەيىن مۇيىسكە ەمدەلىپ جانە دەمالىپ جاتقان ادامدارعا سۋدى جىلى كۇيىندە جىبەرەدى. ەرەجەگە سايكەس دەمالۋشىلار گيگيەنا ەرەجەلەرىن ساقتاۋلارى ءتيىس. وندا ولار سۋعا تۇسەر جانە شىعار الدىندا دۋش قابىلداۋلارى كەرەك. داياشىلار ءتىپتى كولدە شومىلىپ جۇرگەن كەزىڭىزدە دە قىزمەت جاساي بەرەدى.



Massaget.kz

سوڭعى جاڭالىقتار