قازاقستاندىق بالۋان پارادزيۋدودان العاش رەت الەم چەمپيونى اتاندى
ق ر دزيۋدو فەدەراتسياسىنان ءمالىم ەتكەنىندەي، ولجاس 60 كەلىگە دەيىنگى سالماقتا ۇزدىك شىقتى.
ول العاشقى بەلدەسۋىندە يسپانيالىق بورجا پاحيسسانى يپپونمەن ۇتتى. سوسىن جاپونيالىق تاكااكي حيرايدى، شيرەك فينالدا الجيرلىك موۋلوۋد نوۋرانى تازا جەڭدى. جارتىلاي فينالدا ازەربايجان ەلىنىڭ وكىلى ورحان جارايەۆتى تىزە بۇكتىردى. فينالدا الجيرلىك يشاك وۋلدكوۋيدەردى جىعىپ، التىننان القا تاقتى.
بۇعان دەيىن دزيۋدودان ماكسيم راكوۆ پەن ەلدوس سمەتوۆ الەم چەمپيونى اتانسا، ەندى، مىنە، و. ورازالى ۇلى پارادزيۋدودان قازاق ەلىندە تۇڭعىش رەت وسىنداي جوعارى اتاققا قول جەتكىزىپ وتىر.
پارادزيۋدودان قازاقستان قۇراماسىنىڭ باس جاتتىقتىرۋشىسى جاندوس قيانوۆتىڭ ايتۋىنشا، ولجاس ورازالى ۇلى قىزىلوردا وبلىسى جاڭاقورعان اۋدانىندا 2000 -جىلى دۇنيەگە كەلگەن. دزيۋدومەن جەتى جىل بويى شۇعىلدانعان. باپكەرلەرى - قايرات باياكەنوۆ، رۋسلان بەركىمباي.
ەسكە سالا كەتەيىك، بۇدان بۇرىن دزيۋدودان ارالاس كوماندالىق سايىس جەڭىمپازدارى انىقتالعانىن جازعان بولاتىنبىز.