ديماشتىڭ لوندونداعى كونسەرتىنىڭ بارلىق بيلەتى ساتىلىپ كەتتى
«ديماشتىڭ الەم بويىنشا ۇلكەن تۋرى بولادى. بۇعان دەيىن دە بىرنەشە كونسەرتى وتكەن بولاتىن. لوندون - الەمدىك ونەردىڭ ءىرى ورتالىعى. وندا جەكە كونسەرتىڭدى وتكىزۋ ءۇشىن ۇلكەن جىگەر كەرەك. لوندونداعى كونسەرت زالىندا 2 مىڭ ورىن بار. ودان بولەك، فان- اۋماق بار. جالپى، 4600 ورىن بولادى. بارلىق بيلەتتەر ساتىلىپ كەتتى»، - دەدى ارىستانبەك مۇحامەدي ۇلى ديماش قۇدايبەرگەنمەن كەزدەسۋ بارىسىندا.
ءمينيستردىڭ ايتۋىنشا، بيلەت ساتىپ العان كورەرمەندەردىڭ 3-4 پايىزى عانا - قازاقستاندىقتار.
«بارلىق بيلەتتەردى نەگىزىنەن لوندوندىقتار ساتىپ الدى»، - دەدى مينيستر.
ەسكە سالا كەتسەك، بۇگىن ق ر مادەنيەت جانە سپورت ءمينيسترى ارىستانبەك مۇحامەدي ۇلى قانات ايتبايەۆپەن جانە ديماش قۇدايبەرگەنمەن كەزدەسىپ، 19 -قاراشادا وتەتىن كونسەرتتىڭ ءمان- جايىن تالقىلاعان بولاتىن. ءانشىنىڭ اكەسىنىڭ ايتۋىنشا، ديماش لوندونداعى كونسەرتتە اندەرىنىڭ 60 پايىزىن قازاق تىلىندە شىرقايدى.