ديماش قۇدايبەرگەن: ماقساتىم - قازاقتىڭ ۇلى تۇلعالارىنىڭ تۋىندىلارىن ناسيحاتتاۋ
«مەن شەتەلدە جۇرگەن كەزدە مىندەتتى تۇردە قازاقتىڭ حالىق اندەرى ورىندالادى. مەنىڭ باستى ماقساتىم نە؟ كىندىك قانىم تامعان جەردە قازاقتىڭ ۇلى تۇلعالارى تىڭ دۇنيەلەردى جارىققا شىعاردى، ال، ءبىز، انشىلەر مۇمكىندىگىنشە ول تۋىندىلاردى ناسيحاتتاۋىمىز كەرەك. مەنىڭ دە ماقساتىم سول. سوندىقتان قازاقتىڭ حالىق اندەرى كوپتەپ شىرقالاتىنىنا كۇمان كەلتىرمەڭىز. جاڭا اندەر دە بار. ونىڭ قۇپياسىن سىزدەرگە تولىق اشقىم كەلمەيدى. ويتكەنى، ونى كونسەرتتە (لوندونداعى) كورەرمەندەر ءبىرىنشى تىڭداسا دەيمىن» ، - دەدى ديماش قۇدايبەرگەن مادەنيەت جانە سپورت ءمينيسترى ارىستانبەك مۇحامەدي ۇلىمەن كەزدەسۋ بارىسىندا.
ايتا كەتسەك، وسى ايدىڭ 19 ىندا لوندوندا ديماشتىڭ جەكە كونسەرتى وتەدى. قازىرگى تاڭدا لوندون ورتالىعىنداعى ەكرانداردا قازاقستاندىق ءانشىنىڭ كونسەرتى جارنامالانىپ جاتىر.