يليا يلين ساياساتقا كەتە مە

استانا. قازاقپارات - الەم چەمپيونى جانە اۋىر اتلەتيكادان رەكورد يەسى يليا يلين «قازاقپارات» تىلشىسىنە بولاشاققا جوسپارى جانە سپورت مانسابى اياقتالعان سوڭ، ساياساتقا كەتۋدى جوسپارلاپ وتىر ما، جوق پا، سول جايىندا ايتىپ بەردى.

«الەم چەمپيوناتىنا جاتتىقتىرۋشى جانە سپورتشى رەتىندە دە قاتىستىم. اۋىر اتلەتيكادان ءبىلىمىم بار، قازاقستاندىق اۋىر اتلەتيكا فەدەراتسياسىندا كوماندا مەنەدجەرى بولا الاتىن ەدىم. جاسىم 30-عا كەلدى، ءارى قاراي نە ىستەيتىنىمدى ويلاۋىم كەرەك. سپورتشىلارعا سپورتتاعى ومىردەن كەيىن قاراپايىم ومىرگە ءبىرسارىندى ەنىپ كەتۋ وڭاي ەمەس. سوندىقتان ءبىراز ەڭبەكتەنۋگە تۋرا كەلىپ وتىر»، - دەدى ي. يلين.

بۇل رەتتە سپورتشى بولاشاق مانسابىن ساياساتپەن بايلانىستىرۋدى جوسپارلاپ وتىرعان جوق.

«ساياساتقا كەلۋ ءۇشىن ءبىلىمدى بولىپ، كوپتى كورۋىڭ كەرەك. ول ءۇشىن كەم دەگەندە تاعى 10-12 جىل ءوتۋى ءتيىس. ماعان جاقسى قىزمەت ۇسىنسا دا، نە ىستەۋ كەرەكتىگىن ءتۇسىنۋ ءۇشىن سپورتتىق مەنەدجمەنتتى مەڭگەرىپ الۋ كەرەك. بۇل وتە ماڭىزدى»، - دەپ سانايدى سپورتشى.

ي. يليننىڭ پىكىرىنشە، قازىرگى كەزدە قازاقستاندىق اۋىر اتلەتيكادا «قايتا جۇكتەۋ» بولىپ جاتىر.

«قازىر ءبىز قىزىقتى، جاڭا نارسەنى قۇرۋعا تالپىنىپ وتىرمىز. وسىدان 5 جىل بۇرىنعىداي مول التىن مەدالعا قالاي قول جەتكىزەتىنىمىزدى ويلاستىرىپ جاتىرمىز»، - دەپ اتاپ ءوتتى ول.

 فوتو: بوريس بۋزين