نۇرسۇلتان نازاربايەۆ ۆلاديمير پۋتينمەن تەلەفون ارقىلى سويلەستى

 استانا. قازاقپارات - نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.

مەملەكەتتەر باسشىلارى ەكى جاقتى ىنتىماقتاستىقتىڭ، سونداي- اق كۇن ءتارتىبىنىڭ وڭىرلىك جانە حالىقارالىق وزەكتى ماسەلەلەرى جونىندە پىكىر الماستى.

ەكى ەل كوشباسشىلارى الداعى كەزدەسۋلەر كەستەسىن قاراستىرىپ، سانكت- پەتەربۋرگتە وتەتىن جوعارى ەۋرازيا ەكونوميكالىق كەڭەسىنىڭ وتىرىسىنا ازىرلىك بارىسىن تالقىلادى.

تەلەفون ارقىلى سويلەسۋگە رەسەي جاعى باستاماشى بولدى.