بولماسا ءوزىم شىعام - دىلدابەكوۆ كوكپاردان ۇلتتىق قۇرامانى العا جەتەلەۋگە ۋادە بەردى

None
None
استانا. قازاقپارات - ق ر مادەنيەت جانە سپورت ءمينيسترى ارىستانبەك مۇحامەدي ۇلى «كوكپار» فەدەراتسياسىنىڭ پرەزيدەنتى مۇحتارحان دىلدابەكوۆتى قابىلداپ، كەزدەسۋ بارىسىندا كوكپاردىڭ كەلەشەگى، الداعى جارىستارعا دايىندىق ماسەلەسىن تالقىلادى، دەپ حابارلايدى قازاقپارات ءتىلشىسى.

«ەلباسى جولداۋىندا تاپسىرعانداي، قازىرگى كەزدە بۇقارالىق سپورت تۇرلەرىنە، ونىڭ ىشىندە ۇلتتىق سپورتتى دامىتۋعا ەرەكشە كوڭىل ءبولىنىپ جاتىر. سونىڭ اياسىندا، ارينە، ءبىزدىڭ العا قويعان ماقساتتىرىمىز بار. ءوزىڭىز بىلەتىندەي، «كوكپار» فەدەراتسياسىنىڭ باسشىلىعىنا مۇحتارحان دىلدابەكوۆتى شاقىرىپ وتىرمىز. مۇحتارحان بوكستىڭ الدىندا كوكپار ويناعان. كوكپاردان بوكسقا كەلىپ، از عانا ۋاقىت ىشىندە سيدنەي وليمپياداسىندا كۇمىس جۇلدەگەر بولدى. وسى قاۋىمداستىقتى باسقارۋعا كەلىپ وتىرعان مۇحتارحانعا كوپ- كوپ راحمەت ايتامىز» ، - دەدى مينيستر.

ارىستانبەك مۇحامەدي ۇلى ءوز سوزىندە استانادا يۋنەسكو- نىڭ شەشىمىمەن ۇلتتىق سپورت تۇرلەرىنەن وليمپيادا وتەتىنىن اتاپ ءوتتى.

Ð'олмаса өзім шыÒ

«سوڭعى كەزدە كوكپاردىڭ اينالاسىندا كەلەڭسىز جاعدايلار بولعانىن بىلەسىزدەر. ونى دا تۇزەتۋىمىز كەرەك. سول سەبەپتەن ءوزىمىز ءوتىنىش ءبىلدىرىپ، مۇحتارحان دىلدابەكوۆكە ۇسىنىس جاساعان ەدىك. قازىرگى كەزدە ۇلتتىق سپورتتى ءارى قاراي دامىتۋ ءۇشىن استانادا ءبىرىنشى رەت رەسپۋبليكالىق ۇلتتىق سپورتتى دامىتۋ ورتالىعىن قۇردىق. اۋەجايعا بارا جاتقان جولداعى «قازاناتتى» جانداندىردىق، وندا ورتالىق جۇمىس ىستەپ تۇر. كوكپاردان ول جەردە الەم چەمپيوناتىن وتكىزدىك. ودان باسقا، ەكسپو اياسىندا ۇلتتىق سپورت تۇرلەرىنەن جارىستار وتكىزدىك. ەندىگى كەزەكتە استانادا ۇلتتىق سپورت تۇرلەرىنەن وتەتىن وليمپياداعا دايىندالىپ جاتىرمىز» ، - دەدى مينيستر.

ءوز كەزەگىندە «كوكپار» فەدەراتسياسىنىڭ پرەزيدەنتى مۇحتارحان دىلدابەكوۆ سەنىم ارتىپ، ۇلتتىق قاۋىمداستىق پرەزيدەنتتىگىنە سايلاعاندىقتان، ءۇمىتتى اقتاۋعا تىرىساتىنىن ايتىپ ءوتتى.

Ð'олмаса өзім шыÒ

«بالا كەزدەن كوكپار تارتىپ، كەيىن وبلىس ورتالىعى شىمكەنتكە كەلىپ بوكستاستىق. وسى 7-8 -جىلدىڭ ىشىندە بوكس مەكتەبىندە جۇمىس ىستەپ كەلە جاتىرمىن. سونىمەن بىرگە، كوكپاردى دا يگەرەمىز دەگەن ۇمىتتەمىز. كوكپارشىعا ويىن كەزىندە جان- جاقتى مىقتىلىق كەرەك. ءوزىڭىزدىڭ قولداۋىڭىزبەن كوكپاردى كوتەرىپ، 2020 -جىلعى ۇلتتىق وليمپيادادا جاقسى ناتيجە كورسەتەمىز دەگەن نيەتتەمىز» ، - دەدى مۇحتارحان دىلدابەكوۆ مينيسترگە.

Ð'олмаса өзім шыÒ

سونىمەن بىرگە، مۇحتارحان دىلدابەكوۆ كەلەسى دۇنيەجۇزىلىك كوشپەندىلەر ويىندارىنا دايىندىق مىقتى بولاتىنىنا ۋادە بەردى.

سوڭعى جاڭالىقتار