سولتۇستىك قازاقستان وبلىسىندا سابيلەرگە كوپ قويىلاتىن ەسىمدەر بەلگىلى بولدى

 پەتروپاۆل. قازاقپارات - سولتۇستىك قازاقستان وبلىسىندا جاڭا تۋعان سابيلەرگە كوپ قويىلاتىن ەسىمدەر بەلگىلى بولدى، دەپ حابارلايدى قازاقپارات ءتىلشىسى وبلىستىق ادىلەت دەپارتامەنتىنە سىلتەمە جاساپ.

وبلىستىق ادىلەت دەپارتامەنتى باسپا ءسوز قىزمەتىنىڭ حابارلاۋىنشا، بيىلعى جىلى ون اي ىشىندە 5878 نارەستە دۇنيەگە كەلگەن. ونىڭ  3034- ءى ەر بالا بولسا، قالعان  2844- ءى - قىزدار.

ماماندار قىزىلجار وڭىرىندە بۇگىنگى تاڭدا سانگە اينالعان ەسىمدەردىڭ ۇزدىكتەرىن دە جاريالادى. ەر بالالار اراسىندا ءامىر، ءاليحان، ارتەم، ءالي، دميتريي، ال، قىزدار اراسىندا ايلين، ءامينا، سوفيا، داريا جانە ايارۋ ەسىمدەرى تانىمال ەكەن.

سونىمەن قاتار، وڭىردە بيىلعى توعىز ايدىڭ ىشىندە ءبىر جاسقا تولماعان 63 نارەستە شەتىنەگەن. ستاتيستيكالىق مالىمەتكە سۇيەنسەك، بۇل وتكەن جىلمەن سالىستىرعاندا 40 پايىزعا كوپ.

 قايتىس بولعان سولتۇستىك قازاقستاندىقتاردىڭ سانى - 4950، 2017 -جىلدىڭ توعىز ايىمەن سالىستىرعاندا بۇل كورسەتكىش 2,5 پايىزعا از. تۇرعىنداردىڭ 19,3 پايىزى جۇرەك- قان تامىرلارى اۋرۋىنان، 15 پايىزى تىنىس اۋرۋلارىنان جانە 10,5 پايىزى ىسىكتەن كوز جۇمدى. ادامداردىڭ 8,8 پايىزى قايعىلى جاعدايلاردان قايتىس بولعان.

اۆتور: اقەركە داۋرەنبەك قىزى