پويىزعا قالاي ارزان بيلەت الۋعا بولادى

الماتى. قازاقپارات - «قازاقستان تەمىر جولى» ا ق باسپا ءسوز قىزمەتى ارزان بيلەتكە قول جەتكىزۋ جولدارىن ايتىپ بەردى، دەپ حابارلايدى قازاقپارات ءتىلشىسى.

باسپاءسوز قىزمەتى حابارلاعانداي، «جولاۋشىلار تاسىمالى» اق 2018 -جىلدىڭ 11 - قىركۇيەگىنەن باستاپ قازاقستان ىشىندەگى الەۋمەتتىك ماڭىزى بار باعىتتارعا باعانى رەتتەۋ جۇيەسىن وزگەرتكەن بولاتىن.

اتاپ ايتقاندا، بۇل جەڭىلدىكتەر تىركەمە مەن وزگە ەلدەردىڭ باعدارلارىن، جەكەمەنشىك كومپانيالاردىڭ پويىزدارىن قوسپاعاندا 52 باعىت بويىنشا بەرىلەدى.

«باعالاردى رەتتەۋدىڭ جاڭا جۇيەسى ديناميكالىق تاريفتىك باسقارۋ باعدارلاماسى بويىنشا قۇرالدى. بۇل الەمدىك اۋە جانە تەمىر جول تاسىمالىندا پايدالانىلاتىن تاجىريبە. جولاۋشىلار قازاقستان ىشىندەگى باعىتقا تەمىر جول بيلەتتەرىن 45 كۇن بۇرىن ساتىپ السا، % 25- دىق جەڭىلدىك بار. جەڭىلدىك كولەمى بوس ورىن سانىنا، اتتانۋ كۇنىنە دەيىن قانشا تاۋلىك قالعانىنا بايلانىستى بولماق. جۇرەتىن كۇن جاقىنداعاندا بيلەتكە % 25- دان ارتىق ۇستەمە قوسىلمايدى. قازاقستان بويىنشا بۇدان بولەك 14 كوممەرتسيالىق باعىت بار. ولاردىڭ 9-ى «تالگوعا» تيەسىلى. ق ر زاڭناماسىنا سايكەس، كوممەرتسيالىق باعىتتا بيلەت قۇنىن تاسىمالداۋشى ءوزى قويادى. باعا جولاۋشىلار اعىنى مەرەكە كۇندەرى باسىمدىق بەرىلەتىن باعىتتارعا بايلانىستى بولادى. بۇل باعىتتاردا بيلەت قۇنى - 35 + پايىزعا دەيىن جەتەدى. جولاۋشىلار% 35 - دىق جەڭىلدىكپەن، نەمەسە % 35 - دىق ۇستەمەمەن ساتىپ الا الادى. بيلەت قۇنىنان تۇسكەن قارجى نەگىزىنەن جاڭا سەرۆيستىك قىزمەتتەردى ەنگىزۋگە، ۆاگون پاركىنىڭ تەحنيكالىق قامتىلۋىن جاقسارتۋعا جۇمسالادى»، - دەيدى «قازاقستان تەمىر جولى» ا ق باسپا ءسوز حاتشىسى رۋسلان يمانقۇلوۆ.

ايتا كەتۋ كەرەك، الەۋمەتتىك جەلىدە تەمىر جول بيلەتتەرىنىڭ اسا قىمباتتىعىن، پويىزدارداعى سەرۆيستىك جوقتىعىن سىناۋشىلاردىڭ سانى كوپ.

 بەلگىلى بلوگەر اندرەي فەندريكوۆ قازاقتىڭ قارا دومبىراسىمەن تالگو تۋرالى تەرمە ايتقان. وندا ونەرپاز تالگو پويىزىنىڭ ىشىندە شىنى مەن قاسىق بيلەيتىنىن، تارلىعىن، مەيرامحانانىڭ نەگىزسىز قىمباتتىعى ارقاۋ بولعان ەدى.

كوپ ۇزاماي ق ت ج اق قىزمەتكەرلەرى دە وعان تەرمەمەن جاۋاپ بەردى.

  اۆتور: گۇلميرا  عوسمانالي