توڭكەرىسى كەزىندە ولتىرىلگەن فرانسۋز پاتشايىمنىڭ اشەكەيلەرى ساتىلدى

استانا. قازاقپارات - فرانسۋز پاتشايىمى ماريا انتۋانەتتانىڭ اشەكەيەلەرى جەنيەۆاداعى اۋكسيوندا 42,7 ميلليون دوللارعا ساتىلدى. باعالى بۇيىمدار ەكى عاسىر بويى جەكەنىڭ قولىندا ساقتالعان بولاتىن.

الەمدەگى ەڭ بەدەلدى «سوتبيس» اۋكسيون ءۇيىنىڭ وكىلدەرى مالىمدەگەندەي، بۋربون- پارما اۋلەتىنە تيەسىلى اشەكەيلەر ءباسساۋداعا قويىلاتىن ەڭ قۇندى جادىگەر سانالادى. پاتشايىم تاققان زەرگەرلىك بۇيىمداردىڭ اراسىندا 49 كاراتتىق تابيعي الماز بەن مارجان تاستان جاسالعان سالپىنشاق، سىرعا، تۇيرەۋىش جانە القا بار.

ايتا كەتەرلىگى، اۆستريالىق اقسۇيەك ماريا- انتۋانەتتا فرانسيا كورولى ليۋدوۆيك ون التىنشىعا تۇرمىسقا شىعىپ، پاتشايىم اتاندى. ەكەۋى دە ۇلى فرانسۋز توڭكەرىسى كەزىندە 1793 -جىلى ولتىرىلگەن.

www.24.kz