الماتىداعى جەكە ۇيلەرگە ۋلانۋدان قورعايتىن قۇرىلعى ورناتىلۋدا

None
None
استانا. قازاقپارات - الماتىداعى كومىر جاعاتىن جەكە ۇيلەرگە يىستەن ۋلانۋدان قورعايتىن قۇرىلعى ورناتىلىپ جاتىر، دەپ حابارلايدى «حابار 24».

  قالالىق اكىمشىلىك جانە توتەنشە جاعدايلار دەپارتامەنتىنىڭ باستاماسىمەن قولعا الىنعان «ءار ۇيگە قاۋىپسىزدىك» شاراسى اياسىندا جەتىسۋ اۋدانى تۇرعىندارىنا ءتۇسىندىرۋ جۇمىستارى دا جۇرگىزىلدى.

 ايتا كەتۋ كەرەك، قۇرىلعى الەۋمەتتىك جاعىنان از قامتىلعان وتباسىلارعا تەگىن ورناتىلادى. ال وزگە تۇرعىندار ونى 7-10 مىڭ تەڭگە ارالىعىندا ساتىپ الا الادى. جالپى الماتى قالاسىندا 145 مىڭ جەكە تۇرعىن ءۇي تىركەۋگە الىنعان. ولاردىڭ 15 مىڭعا جۋىعى كومىرمەن جىلىتىلادى.

ساندۋعاش بايمۇحامبەتوۆا، الماتى قالاسى ت ج د رەسمي وكىلى:

 - قۇرىلعى ءۇش كىشكەنتاي باتارەيامەن جۇمىس ىستەيدى. ول وت جاعۋ ماۋسىمىنا جەتكىلىكتى. ەگەر دە ۋلى گازدىڭ كونسەنتراتسياسى كوبەيەتىن بولسا، ول ءوزىنىڭ ارنايى دىبىس شىعارۋىمەن ادامداردى قۇلاقتاندىرادى. ەگەر دە ارنايى دىبىستى ەستيتىن بولسا، مىندەتتى تۇردە ۇيدەن شىعىپ، ۇيدەگى اۋانى الماستىرۋ كەرەك ەكەنىن ۇمىتپاۋىن تاعى ەستەرىنە سالىپ كەتەمىز.

www.24.kz

سوڭعى جاڭالىقتار