ءيتىنىڭ ءجۇنىن كۇتۋگە بەس ميلليون تەڭگە جۇمساعان قىتايلىق جىگىت ەلدى تاڭعالدىردى

 استانا. قازاقپارات - ءۇي جانۋارلارىن ۇستايتىن ادامدار ءۇشىن جانۋارلارى وتباسى مۇشەلەرىنە اينالادى، ءبىراق كەيدە شەكتەن شىعاتىندار دا بولادى.

29 جاستاعى قىتاي ازاماتى كيەۆين چان اۋعان تازىسىنىڭ ءجۇنىن كۇتۋگە بەس ميلليون تەڭگە جۇمساعان. بۇل تۋرالى bigpicture سايتىنا سىلتەمە جاساعان NUR. KZ جازادى.

كيەۆين چان پەكيندە ماركەتينگ ديرەكتورى قىزمەتىن اتقارادى. ول بەتتل ەسىمدى اۋعان تازىسىن قاتتى جاقسى كورەدى. ونىڭ ءجۇنىن كۇتۋگە ارنالعان قۇرالدارعا ەر ادام 100000 يۋان (بەس ميلليون تەڭگە) جۇمساعان. ال سۋ سابىن مەن ءيتتىڭ كوسمەتيكاسىنا اي سايىن 4500 يۋان كەتەدى ەكەن.

اپتا سايىن ەر ادام ءيتتىڭ ءجۇنىن تاراۋعا 6-8 ساعات ۋاقىتىن بولەدى. كيەۆين چاننىڭ سوزىنشە، بەتتل ەڭ كەرەمەت جانۋار.

«بەتتلدى ۇيىمە اكەلگەن كەزدە دە ەڭ كەرەمەت ءيت بولاتىن. ول مەنىڭ وتباسىمنىڭ مۇشەسى، سوندىقتان وعان ۋاقىت پەن اقشا جۇمساعانىما ەش قىنجىلمايمىن»، - دەدى كيەۆين چان.

چان بەتتلدى ون كۇندە ءبىر جۋىندىرادى ەكەن. ونى جۋىندىرۋعا تاعى سەگىز ساعات ۋاقىت كەتەدى.

«ءاردايىم «مەن ءيتتى ەمەس، ءيت مەنى تاڭدادى» دەپ ايتامىن»، - دەيدى چان.

سونىمەن قاتار قىتايلىق جىگىت كۇندەلىكتى ءيتتىڭ جۇنىنە ارنايى سۇيىقتىق شاشىپ، تاراپ، ۇستىنە تالك سەبەدى.

«بەتتل كىشكەنتاي كۇشىك بولعاندا، مەن ونىڭ كۇتىمىنە كۇندەلىكتى ەكى ساعات ۋاقىتىمدى جۇمسايتىنمىن، قازىر ءبىر ساعات قانا كەتەدى»، - دەدى ءيتتىڭ قوجايىنى چان.

ارينە، مۇنداي سۇلۋلىقتى جاسىرۋ كۇنا بولادى، سوندىقتان چان كامەرا ساتىپ الىپ، سۇيىكتى جانۋارىن سۋرەتكە ءتۇسىرىپ، سۋرەتتەرمەن الەۋمەتتىك جەلىدە بولىسەدى.

كوبىنەسە ادامدار بەتتلدىڭ سۇلۋلىعىنا تامسانىپ، بىرگە سۋرەتكە تۇسۋگە ءوتىنىش بىلدىرەدى ەكەن.