10:20, 16 - قاراشا 2018 | GMT +6
الماتى اۋەجايىنا جالعان قۇجاتپەن ۇشىپ كەلگەن ايەل ۇستالدى
الماتى. قازاقپارات - الماتى اۋەجايىندا رەسەيدىڭ جالعان ءتولقۇجاتىن ۇسىنعان ايەل ۇستالدى، دەپ حابارلايدى قازاقپارات ق ر ۇ ق ك ش ق باسپا ءسوز قىزمەتىنە سىلتەمە جاساپ.
«الماتى حالىقارالىق اۋەجايىندا شەكاراشىلار «ىستانبۇل-الماتى» باعىتىمەن ۇشىپ كەلگەن ت ك-350 اۋە رەيسىن رەسىمدەۋ بارىسىندا، تەكسەرۋگە قولدان تۇزەتىلگەن ءتولقۇجات ۇسىنعان ايەلدى ۇستادى. وتە شەبەرلىكپەن تۇزەتىلگەن ءتولقۇجاتتىڭ جالعان ەكەندىگىن ارنايى اپپارات انىقتاماعاندا، جاي كوزبەن تانىپ-ءبىلۋ مۇمكىن ەمەس ەدى»، - دەلىنگەن حابارلامادا.
ءتولقۇجات بويىنشا، ۇستالعان رەسەي ازاماتشاسى بولاتىن. الايدا، تەكسەرۋ بارىسىندا شەكاراشىلار ونىڭ وزبەكستاندىق ەكەندىگىن انىقتادى.
شەكارا قىزمەتىنىڭ مالىمەتىنشە، قازاقستان رەسپۋبليكاسىنىڭ «مەملەكەتتىك شەكارا تۋرالى» زاڭىنىڭ 19-بابى 10-تارماعىنا سايكەس، ۇستالعان ايەل ازاماتتىعى بويىنشا ءوز ەلىنە دەپورتاتسيالاندى.