مۇنايدىڭ الەمدىك باعاسى كوتەرىلدى

استانا. قازاقپارات - بەيسەنبى كۇنى لوندون مەن نيۋ-يورك بيرجالارىندا وتكەن ساۋدا-ساتتىق قورىتىندىسى بويىنشا مۇناي باعاسى قىمباتتادى، دەپ حابارلايدى قازاقپارات.

اتاپ ايتقاندا، لوندونداعى ICE Futures بيرجاسىندا جەلتوقساندا جەتكىزىلەتىن Brent ماركالى مۇنايدىڭ فيۋچەرستەرى 0,77 دوللارعا كوتەرىلىپ، 66,63 دوللاردى قۇرادى. ال نيۋ-يورك تاۋار بيرجاسىندا (NYMEX) جەلتوقسان ايىندا جەتكىزىلەتىن WTI ماركالى مۇنايدىڭ فيۋچەرستەرى باررەلىنە 0,21 دوللارعا ءوسىپ، 56,46 دوللاردى قۇرادى.