ەلباسى ق ر مەملەكەتتىك كۇزەت قىزمەتىنىڭ باسشىلىق قۇرامىمەن كەزدەستى
كەزدەسۋدە نۇرسۇلتان نازاربايەۆ مەملەكەتتىك كۇزەت قىزمەتىنىڭ باسشىلىق قۇرامىنا وسى مەكەمەنىڭ جاڭا باستىعى ارداق اشىمبەك ۇلىن تانىستىردى.
ا. اشىمبەك ۇلى زاڭناماعا سايكەس انت بەردى.
قازاقستان پرەزيدەنتى نۇرسۇلتان نازاربايەۆ ا. اشىمبەك ۇلىنىڭ تاجىريبەسى مول ەكەنىن اتاپ ءوتىپ، ونىڭ كاسىبي بىلىكتىلىگىنە توقتالدى.
سونداي- اق، ەلباسى مەملەكەتتىك كۇزەت قىزمەتىنىڭ قوعامداعى قاۋىپسىزدىك پەن تۇراقتىلىقتى قامتاماسىز ەتۋ ىسىندە ماڭىزدى ءرول اتقاراتىنىنا نازار اۋداردى.
- ەل قاۋىپسىزدىگى جۇيەسىندە مەملەكەتتىك كۇزەت قىزمەتىنىڭ ءرولى ايرىقشا. بۇل الدارىڭىزعا قويىلعان مىندەتتەردىڭ ەرەكشەلىگىنە بايلانىستى، - دەدى نۇرسۇلتان نازاربايەۆ.
مەملەكەت باسشىسى كۇزەت قىزمەتىنىڭ ءتيىمدى جۇمىس ىستەۋى ءۇشىن بۇگىندە بارلىق قۇقىقتىق جانە ماتەريالدىق- تەحنيكالىق جاعداي جاسالعانىن اتاپ ءوتتى.
- قاۋىپ- قاتەردى تويتارۋعا ءاردايىم دايىن بولۋ، جاڭا سىن- قاتەرلەرگە بەيىمدەلۋ، قاتەرلەردىڭ الدىن الۋعا جانە اۋىزدىقتاۋعا باعىتتالعان شۇعىل جانە كۇزەت شارالارىنىڭ كەشەنىن جەتىلدىرۋ - سىزدەردىڭ مىندەتتەرىڭىز. سوندىقتان، مەملەكەتتىك كۇزەت قىزمەتىنىڭ الەۋەتىن ارتتىرۋ جانە ونى جان- جاقتى جاڭعىرتۋ جونىندەگى جۇمىستاردى جۇرگىزۋ قاجەت، - دەدى قازاقستان پرەزيدەنتى.
جيىن سوڭىندا ەلباسى مەملەكەتتىك كۇزەت قىزمەتىنىڭ جەدەل ءىس- قيمىل شتابىنىڭ جانە وسى مەكەمەنىڭ باسقا دا جۇمىستارىمەن تانىستى.