دەنساۋلىق ساقتاۋ مينيسترلىگى ىشىمدىكپەن كۇرەسۋگە قوسىمشا قاراجات بولەدى
«پوستكەڭەستىك ەلدەردە الكوگولدى تۇتىنۋ دەڭگەيى جوعارى. ويتكەنى ادامدار رەتىمەن ءىشۋدى بىلمەيدى. تەمەكىگە سالىنعانداي، مەنىڭ ويىمشا، ىشىمدىككە تىيىم سالىنبايدى. «قۇرعاق زاڭنىڭ» كومەكتەسە المايتىنى بەلگىلى. سەبەبى، ىشىمدىك كەي ادامداردىڭ داعدىسىنا اينالىپ كەتكەنى وتىرىك ەمەس. دارىگەرلەر «ىشپە، جەمە، تەمەكى تارتپا» دەيدى. ال حالىق اراسىندا وسىدان كەيىن دارىگەرلەردى تىيىمى مەن كەڭەسىنە «اللەرگيا» پايدا بولادى. ال ءبىز «جەسەڭىزدەر جەڭىزدەر، تەك شاما ەسكەرىلسە» دەيمىز. مايلى تاماق جەگىڭىز كەلە مە - كوپ ەمەس، ازدان تۇتىنىڭىز. پالما مايىنان قاشىقتاۋ جۇرگەن ابزال. ال كوپشىلىك نەگىزىنەن ءبىزدىڭ اعزانى الكوگول قۇرتاتىنىن بىلە بەرمەيدى. مىنە، سوندىقتان، الكوگولدى دۇرىس تۇتىنا ءبىلۋ - پايىمدى ءارى كومپروميستى ۇستانىم» ، - دەدى سپيكەر استانادا وتكەن جيىندا.
«ەڭ الدىمەن، حالىقپەن جۇمىس ىستەۋ كەرەك. البەتتە، تىيىم دا بولۋى ءتيىس. ادامدار ىشىمدىكتى تىعىرىقتان شىعار جول رەتىندە كورمەۋى كەرەك. مىسالى، ءبىز جاڭا جىلدا ۇستەلگە شامپان قويامىز عوي. بىرەۋ وسىلاي سابىر ساقتاسا، ەكىنشىسى مەرەكە باستالماي تۇرىپ، ءبىر بوتەلكەنى كوتەرىپ ۇلگەرەدى. ءبىر دەنساۋلىعىمىزعا بارلىق جۇكتى ارتا المايمىز. سوندىقتان، ءاربىر ادامنىڭ ىشىمدىكتى تۇتىنۋدا ءوز ساياساتى بولۋى كەرەك» ، - دەدى ولەگ چەستنوۆ.
بۇعان مىسال رەتىندە ولەگ چەستنوۆ الياسكا مەن چۋكوتكانى كەلتىردى.
«الياسكانى الىپ قارايىق. رەسەي جاقتاعى چۋكوتكادا كوپ اۋىلدىڭ تۇرعىندارى ءىشىپ كەتكەن. ال الياسكاعا بارساڭىز، جەرگىلىكتى بيلىك الكوگولعا قاتىستى ساۋاتتى ساياسات جۇرگىزىپ وتىر. ول جەردە ىشىمدىكتەن باسقا باردا كەش وتكىزۋ، تەننيس كورتىندا سايىس ۇيىمداستىرۋ سەكىلدى بالاما قىزىقتار جەتەرلىك. ادامداردا تاڭداۋ بولۋى ءتيىس: ول ىشكىسى كەلە مە، الدە بالالارمەن سپورت زالىنا بارۋدى ءجون كورە مە؟ د د س ۇ بۇل رەتتە ەلدەرگە كومەكتەسۋگە دايىن» ، - دەيدى ول.
ولەگ چەستنوۆتىڭ ايتۋىنشا، ق ر دەنساۋلىق ساقتاۋ مينيسترلىگى بۇل باعىتتاعى جۇمىسقا اتسالىسقالى وتىر.
«ءبىز تۇراقتى تۇردە كەزدەسەتىن مينيستر ەلجان ءبىرتانوۆ الكوگولدىڭ الدىن الۋعا بايلانىستى قارجى بولىنەتىنىن ايتتى. الدىن الۋ جۇمىستارىن جۇرگىزۋ ءۇشىن اعارتۋ جۇمىسىن كۇشەيتۋ كەرەك. ول جۇمىس مەكتەپتەن باستالۋى ءتيىس. ءبىر جاقسىسى، ق ر دەنساۋلىق ساقتاۋ مينيسترلىگى بۇل جۇمىسقا ارالاسىپ قانا قويماي، كوپ ىستە باستاماشى دا بولىپ وتىر» ، - دەيدى ولەگ چەستنوۆ.