قازاقستاندا ۇشاقپەن ساپارلايتىندار سانى ارتتى
«بيىل ەلىمىزدەگى اۋە تاسىمالى سالاسىنداعى ءوسىم قارقىنى ساقتالىپ كەلەدى. 2018 -جىلدىڭ 10 ايىندا جەرگىلىكتى اۋەجايلار 12,7 ميلليون ادامعا قىزمەت كورسەتكەن. بۇل وتكەن جىلدىڭ سايكەس كەزەڭىمەن سالىستىرعاندا 6 پايىزعا (12 ميلليون) ارتىق» ، - دەلىنگەن ق ر ي د م مالىمەتىندە.
بەلگىلى بولعانداي، ەسەپتى كەزەڭدە قازاقستان رەسپۋبليكاسىنىڭ اۋە كومپانيالارى 6,8 ميلليون جولاۋشىنى تاسىمالدادى. وتكەن جىلدىڭ سايكەس كەزەڭىمەن سالىستىرعاندا اۋە كولىگىمەن جولاۋشىلار تاسىمالىنىڭ ءوسىمى 10 پايىزدى قۇرادى.
حالىقارالىق اۋە كولىگى قاۋىمداستىعىنىڭ (IATA) بايانداماسىندا قازاقستان شىعىس ەۋروپا مەن ورتالىق ازياداعى ەڭ سەرپىندى دامىپ كەلە جاتقان نارىقتاردىڭ ءبىرى بولىپ تانىلىپ وتىر. IATA بولجامىنا سايكەس، الداعى 20 جىلدا ءبىزدىڭ ەلىمىزدەگى اۋە كولىگىمەن ساپارلاۋشىلار سانى 8 ميلليوننان 18 ميلليونعا دەيىن ارتادى.