نەگە شەگەنى توت باسادى؟
مەتالل كورروزياسى - بۇل تەمىردىڭ اۋا وتتەگىسىمەن توتىعۋعا ۇشىرايتىن حيميالىق ءۇردىسى. ياعني اۋاداعى وتتەگىمەن تەمىر قىشقىلدانادى. بۇل ءۇردىستىڭ ناتيجەسىندە سىرتقى كورىنىسى مەتالعا مۇلدەم ۇقسامايتىن توت پايدا بولادى.
تەك شەگەنى عانا توت باسپايدى، سونىمەن قاتار اۋا وتتەگىسىنىڭ نەمەسە سۋدىڭ اسەرىنە ۇشىرايتىن كەز كەلگەن تەمىر قۇرىلىمدارىن دا توت باسادى: رەلس، تەمىر باسپالداق، اۆتوكولىك، سۋعا باتقان كەمە جانە ت. ب.
توتىعۋ ءۇردىسىن اتموسفەراداعى كۇكىرت جانە ازوت وكسيدتەرى، تەڭىز سۋىنداعى ەرىگەن تۇزدار جەدەلدەتەدى. تەمىردى كورروزيادان قورعاۋ ءۇشىن ونىڭ بەتىن سۋ جانە اۋا وتكىزبەيتىن قابىرشاقپەن قاپتاۋ كەرەك. ولارعا: مايلى بوياۋ، وليف، حروم جانە نيكەلدى جابىندار جاتادى. تەمىردى ىشكى جاعىنان دا قورعاۋعا بولادى.
مىسالى، مەديتسينالىق قۇرالداردى وندىرۋدە قولدانىلاتىن جوعارى قوسىندى بولاتتار (نيكەل، حروم سياقتى ءار ءتۇرلى ەلەمەنتتەر قوسىلعان بولات) كورروزياعا ۇشىراتپايدى. سول سەكىلدى اۆتوكولىكتەر ارنايى كورروزياعا ءتوزىمدى قوسىندىلارمەن جاسالاتىندىقتان اۋا-رايىنىڭ ءار ءتۇرلى جاعدايلارىنا ءتوزىمدى بولىپ كەلەدى.