مەملەكەت باسشىسى سلوۆاكيا پرەمەر- مينيسترىمەن كەزدەستى
كەزدەسۋ بارىسىندا تاراپتار قازاقستان مەن سلوۆاكيا اراسىنداعى قارىم- قاتىناستاردىڭ وزەكتى ماسەلەلەرىن جانە ساۋدا- ەكونوميكالىق ىنتىماقتاستىقتى دامىتۋ پەرسپەكتيۆالارىن تالقىلادى.
مەملەكەت باسشىسى سلوۆاكيا پرەمەر- ءمينيسترىنىڭ بۇل ساپارى مەملەكەتارالىق بايلانىستىردى ودان ءارى نىعايتۋعا جانە ەكونوميكانىڭ ءتۇرلى سالالارىنداعى ىقپالداستىقتى تەرەڭدەتۋگە سەرپىن بەرەتىنىن اتاپ ءوتتى.
- ەلدەرىمىز اراسىندا جاقسى قارىم- قاتىناس ورناعان. ساپارىڭىزدىڭ بارىسىندا پرەمەر- مينيستر ب. ساعىنتايەۆپەن كەزدەسۋ وتكىزدىڭىز. سىزبەن بىرگە قازاقستانعا بيزنەس وكىلدەرى دە كەلىپتى. وسى ساپارىڭىز ءوزارا بايلانىستارىمىزدى دامىتۋعا جاڭاشا جول اشادى دەپ ويلايمىن، - دەدى نۇرسۇلتان نازاربايەۆ.
پ. پەللەگريني ەلىمىزدىڭ الەمدە مەملەكەتارالىق ديالوگ ورناتۋ ىسىندەگى ماڭىزدى ءرولى جونىندە ايتتى.
- قازاقستاننىڭ حالىقارالىق قاتىناستار سالاسىنداعى بەدەلى زور. كوپتەگەن حالىقارالىق ماسەلەلەردى شەشۋ جولىنداعى قازاقستاننىڭ تۇراقتاندىرۋشى ءرولىن جوعارى باعالايمىز، - دەدى سلوۆاكيا رەسپۋبليكاسىنىڭ پرەمەر- ءمينيسترى.
سونىمەن قاتار، پ. پەللەگريني ەكى مەملەكەت اراسىنداعى ساۋدا- ەكونوميكالىق قاتىناستاردى وركەندەتۋدىڭ ماڭىزدىلىعىن اتاپ ءوتىپ، اگروونەركاسىپ جانە يندۋستريا سەكتورلارىندا، كولىك- لوگيستيكا سالاسىندا، سونىڭ ىشىندە «ءبىر بەلدەۋ، ءبىر جول» باستاماسىنىڭ اياسىندا ىنتىماقتاستىقتى دامىتۋعا مۇددەلى ەكەنىن ايتتى.