تاۋەلسىز ەل ەكونوميكاسى ءتول تەڭگەمىزدەن باستاۋ الدى - دانيار اقىشەۆ
جيىندا ق ر ۇلتتىق بانكىنىڭ ءتوراعاسىى دانيار اقىشەۆ، ق ر پرەمەر-ءمينيسترىنىڭ ورىنباسارى ەربولات دوسايەۆ، قازاقستاندىق ەكىنشى دەڭگەيلى بانكتەردىڭ، سونداي-اق شەتەلدىك ورتالىق بانكتەردىڭ باسشىلارى قاتىسىپ جاتىر.
«بۇگىن ۇلتتىق ۆاليۋتامىز تەڭگەنىڭ اينالىمعا شىققانىنا 25 جىل تولىپ وتىر. ءتول تەڭگەمىز ءوز اقشا نەسيە-ساياساتىن جۇرگىزىپ، ۇلتتىق قارجىلىق جۇيەمىزدى قۇرۋعا مۇمكىندىك بەردى. قازىرگى تۇراقتى دۇنيەلەردىڭ بارلىعى كەزىندە ارمان مەن قيال سياقتى ەدى. اقىرىنداپ قازاقستاننىڭ تولىق قارجىلىق جۇيەسى قالىپتاستى. بىزگە وڭاي بولعان جوق، دامۋدىڭ ءبىرقاتار كەزەڭىنەن وتتىك. ەكونوميكالىق سەرپىلىستەردىڭ ارتى داعدارىس جىلدارىنا ۇلاستى. بىزگە بۇنىڭ بارلىعى تاجىريبە، ءبىلىم بولدى»، - دەدى باس بانكير دانيار اقىشەۆ.
بۇگىن پانەلدى جيىنداردا ورتالىق بانكتەردىڭ الدىندا تۇرعان زاماناۋي سىن-قاتەرلەر تۋرالى ايتىلادى.