ۇلتتىق بانك قارجىلىق تۇراقتىلىقتى قامتاماسىز ەتەدى - دانيار اقىشەۆ
«وتكەن 25 جىلدا قارجى سالاسىندا كوپتەگەن رەفورما جۇزەگە اسىرىلدى. ۇلتتىق بانكتىڭ اقشا- كرەديت ساياساتى جانە قارجى ينستيتۋتتارىن رەتتەۋ مەن قاداعالاۋ قىزمەتى جەتىلدىرىلدى»، - دەدى دانيار اقىشەۆ قۇتتىقتاۋ سوزىندە.
ق ر ۇلتتىق بانكتىڭ فەيسبۋكتەگى پاراقشاسىندا جاريالانعان ۆيدەودا ۇلتتىق بانك ءتوراعاسىنىڭ ورىنباسارلارى جانات قۇرمانوۆ، دينا عاليەۆا، ولەگ سمولياكوۆ پەن الپىسباي احمەتوۆ، بانكتەردى قاداعالاۋ دەپارتامەنتىنىڭ ديرەكتورى ولجاس قيزاتوۆ، تولەم جۇيەلەرى دەپارتامەنتىنىڭ ديرەكتورى ەرلان اشىقبەكوۆتەر تەڭگەنىڭ 25 جىلدىعى جانە قارجىگەرلەردى، بانك قىزمەتكەرلەرىن ءتول مەرەكەسىمەن قۇتتىقتاي وتىرىپ، لەبىز ءبىلدىردى.
ەسكە سالا كەتسەك، قازاقستاندا ۇلتتىق ۆاليۋتا قازاقستان رەسپۋبليكاسى ەلباسىنىڭ 1993-جىلعى 12- قاراشاداعى 1399№ جارلىعىمەن «قازاقستان رەسپۋبليكاسىنىڭ ۇلتتىق ۆاليۋتاسىن ەنگىزۋ تۋرالى» 1993-جىلعى 15- قاراشادا اينالىمعا ەنگىزىلدى.
كەيىننەن، 1998-جىلدان باستاپ، 15- قاراشا كاسىبي مەرەكە رەتىندە ۇلتتىق ۆاليۋتا - تەڭگە كۇنى جانە قازاقستان رەسپۋبليكاسىنىڭ قارجى جۇيەسى قىزمەتكەرلەرىنىڭ مەرەكەسى بولىپ بەلگىلەندى.
بيىل ەكونوميكالىق تاۋەلسىزدىگىمىزدىڭ نىشانىنا، قازاقستاننىڭ ۇلتتىق ۆاليۋتاسى - تەڭگەنىڭ اينالىمعا ەنگەنىنە 25 جىل تولادى.