ساراپشىلار: وزبەكستاندا بيلىككە ش. ميرزييەۆ كەلگەلى حالىقتىڭ ءومىرى وزگەردى

استانا. قازاقپارات - قازاقستان مەن وزبەكستان اراسىنداعى قارىم- قاتىناستىڭ جاڭا ءداۋىرى باستالدى. وعان ەكى ەل باسشىسىنىڭ بىرلىگى نەگىز بولدى.

 ال جالپى وزبەكستان بيلىگىنە شاۆكات ميرزييەۆ كەلگەلى قاراپايىم حالىقتىڭ ءومىرى كۇرت وزگەردى. ەلدىڭ ەكونوميكاسى ىلگەرىلىپ، ايلىق جالاقى ءوستى. باستىسى بيلىك حالىققا جاقىندادى دەيدى ساراپشىلار.

 وزبەكستان جىل وتكەن سايىن جاسارىپ، جاڭارىپ كەلەدى. ولاي دەيتىنىمىز كورشى ەلدە قۇرىلىس قارقىن الىپ، زامان تالابىنا ساي جاڭا قالالار سالىنىپ جاتىر. ميرزيەيەۆتىڭ پارمەنىمەن از عانا ۋاقىتتىڭ ىشىندە «ماناس» اۋىلى تولىقتاي بۇزىلىپ، قايتا سالىندى. بيىل وزبەك بيلىگى «كاسىپكەرلىكتى قولداۋ جىلى» دەپ جاريالادى. سونىڭ نەگىزىندە زامان تالابىنا ساي كاسىپورىندار اشىلىپ، ينۆەستورلار كوپتەپ تارتىلىپ جاتىر. وعان قوسا بيلىك ءوز الدىنا ءىس اشىپ، شارۋامدى دوڭگەلەتەم دەگەن جاندارعا شاعىن نەسيە ۇلەستىرۋدە. بۇل شەتەل اسىپ جۇمىس ىزدەپ ساندالىپ جۇرەتىن قاراپايىم حالىق ءۇشىن ءتيىمدى جوبا.

 ۆالەري بيريۋكوۆ، ساراپشى:

 - وزبەكستاندا سوڭعى ەكى جىلدا الەۋمەتتىك- ەكونوميكالىق سەرپىلىس باستالدى. ازاماتتاردىڭ ايلىق جالاقىسى كوتەرىلدى. شاۆكات ميرامان ۇلى ميرزەيەۆتىڭ باستاماسىمەن ءبىرىنشى كەزەكتە بيۋجەت قىزمەتكەرلەرى مەن وقىتۋشىلاردىڭ، دارىگەرلەردىڭ ەڭبەك اقىسى ايتارلىقتاي ءوستى. وزبەكستان بيلىگى زەينەتكەرلەردىڭ دە ەركىن جۇمىس ىستەۋىنە مۇمكىندىك جاسادى. بيۋدجەت قىزمەتكەرلەرى ءۇشىن كوپتەگەن جەڭىلدىكتەر بار.

وزبەكستان بيلىگى قاراپايىم حالىقتىڭ ءال اۋقاتىن ارتتىرۋمەن قاتار اشىقتىق قاعيداتىن ەنگىزە باستادى. تۇرعىندار الەۋمەتتىك جەلىلەردە ءوزىنىڭ پىكىرىن ءبىلدىرىپ، كۇرمەۋى قيىن ماسەلەنىڭ وڭ شەشىلۋىنە ىقپال ەتۋدە. شاۆكات ميرزيەيەۆ العاشقى كۇننەن باستاپ قاراپايىم حالىقتىڭ پىكىرمەن ساناستى. ءتىپتى كەيبىر مينيستىرلەردىڭ گالستۋگىن شەشتىرىپ، بۇقارامەن تىعىز جۇمىس ىستەۋگە ۇيرەتتى. ءبىر سوزبەن ايتقاندا بيلىكتى حالىققا جاقىنداتتى، دەيدى قاراپايىم قالا تۇرعىندارى.

 شەرالى اۆەزمەتوۆ، تاشكەنت قالاسىنىڭ تۇرعىنى:

 - پرەزيدەنتىمىز شاۆكات ميرزيەيەۆ باسشىلىققا كەلگەننەن كەيىن حالىقپەن تىكەلەي بايلانىس ورناتۋ ماقساتىندا ارنايى قابىلداۋ ورتالىقتارىن اشتى. سول مەكەمەلەر ارقىلى جۇرت كوكەيلەرىندەگى ساۋالدارىن پرەزيدەنتكە جولداۋعا مۇمكىندىك الدى. بۇرىن بىلسەڭىز كوپتەگەن جەرلەردە ءتىپتى مەترودا سۋرەتكە تۇسۋگە ۇرىقسات جوق بولاتىن. قازىر ولاردى ەمىن ەركىن اشىپ قويىپ حالىق پەن شەتەلدەن كەلگەن قوناقتار سۋرەتكە تۇسۋگە جاعداي جاسالدى. بۇنداي مۇمكىندىكتەر بۇرىن جوق ەدى.

وزبەكستان بۇگىندە الەمنىڭ بىرنەشە ەلمەن اراداعى ۆيزالىق رەجيمدى الىپ تاستادى. بۇل تىزىمدە ءبىرىنشى قازاقستان تۇر ارينە. كورشى مەملەكەتتەر اراسىنداعى شەكارا شەبى اشىلدى. بۇل بارىس- كەلىسپەن قاتار ەكونوميكالىق وسىمگە نەگىز بولدى. وسىنىڭ اياسىندا وزبەكستان مەن قازاقستان اراسىنداعى ساۋدا- ساتتىق پەن ەكونوميكالىق بايلانىس ەكى ەسەگە ارتقان. الداعى ۋاقىتتا بۇل كورسەتكىشتى 5 ميلليارد ا ق ش دوللارىنا جەتكىزۋ كوزدەلىپ وتىر. قازاقستان مەن وزبەكستان اراسىنداعى اۋە قاتىناسى دا جانداندى. تەمىر جول قىزمەتىنىڭ ءتۇرى 35 پروتسەنتكە ارتقان. تاشكەنت-  شىمكەنت-  الماتى، ءتىپتى  قىزىلوردا باعىتىندا ارنايى اۆتوبۋستار قاتىنايدى.

 ۆالەريي بيريۋكوۆ، ساراپشى:

 - قازاقستان مەن وزبەكستاننىڭ ءوزارا بايلانىسىن سيپاتى مەن ديناميكالىق جاعىنا الىپ قارايتىن بولساق وسى جىلى تاۋار اينالىمى ەكى ەسەگە وسكەن. بۇل مىسالدى استانادا وتكەن كەزدەسۋدە قازاقستاننىڭ كوشباسشىسى نۇرسۇلتان نازاربايەۆ كەلتىردى. كورشى ەل باسشىسى ەكى ەل اراسىنداعى بايلانىستىڭ ودان ءارى نىعايىپ ارتا بەرەتىننە سەنىم ءبىلدىردى. تاعى ءبىر ەرەكشە اتاپ وتكەنى سوڭعى ەكى جىلدا وزبەكستاننىڭ الەۋمەتتىك- ەكونوميكالىق ومىرىندە ۇلكەن وزگەرىستەر بولىپ جاتقانىنا ەرەكشە توقتالدى. سونىمەن بىرگە ساسات پەن ەكونوميكادا ىرىقتاندىرۋ ساياساتىنىڭ ءجۇرىپ جاتقانىن اتاپ ءوتتى.

 وزبەكستان مەملەكەتتى قازىرگى تاڭدا ينۆەستورلارعا كوپ يەك ارتۋدا. ىشكى نارىققا قوماقتى قارجى سالعان شەتەلدىڭ قالتالى ازاماتتارىنا جاعداي جاسالىپ جاتىر. ءار وڭىردە ارنايى يندۋستريالدى ايماقتار اشىلا باستادى. جەراستى قازبا بايلىقتارى مەن التىن وندىرىسىنە دە ينۆەستورلار تارتپاق نيەتتە. ماشينا جاساۋ، توقىما جانە الىپ وندىرىسكە دە شەتەلدىكتەر قولعابىس جاساماق.

قانات جۇنىسبەكوۆ:

- وزبەكستان ەكسپورتتىق تاۋار ءوندىرۋشى كاسىپورىنداردىڭ الەۋەتىن ارتتىرۋدى كوزدەپ وتىر. سونىڭ نەگىزىندە 2019 -جىلدىڭ 1 - قاڭتارىنا باستاپ شەتەل نارىعىنا شىعارىلاتىن 8 بىردەي تاۋار تۇرىنە قويىلعان شەكتەۋدى الىپ تاستادى. ونىڭ ىشىندە اتاپ ايتاتىن بولساق تاۋىق ەتى پەن شوشقا ەتى جانە كۇنباعىس مايى بار. ال جەراستى قازبا بايلىقتارىنان ۆولفرام مەن جىبەك قۇرتى قالدىقتارىن قالاعانىنشا ەكسپورتتاۋعا مۇمكىندىك بەرىلدى.

قالاي دەسەك تە كورشىلەس جاتقان جانە باۋىرلا قازاقستان وزبەكستاننىڭ ستراتەگيالىق ارىپتەسى بولىپ قالا بەرمەك.

www.24.kz