بيۋدجەتتى قاراۋ كەزىندە تەك مەملەكەتتىك مۇددە ۇستەم بولۋى ءتيىس - توقايەۆ

None
None
استانا. قازاقپارات - قاسىم- جومارت توقايەۆتىڭ ءتوراعالىق ەتۋىمەن بولعان پارلامەنت سەناتىنىڭ بيۋرو وتىرىسىندا پالاتانىڭ كەزەكتى وتىرىسىنىڭ كۇن ءتارتىبى بەكىتىلدى. بۇل تۋرالى قازاقپارات سەناتتىڭ باسپا ءسوز قىزمەتىنە سىلتەمە جاساپ حابارلايدى.

2019-2021 -جىلدارعا ارنالعان رەسپۋبليكالىق بيۋدجەتتى قالىپتاستىرۋ تۋرالى، سونداي- اق اۆياتسيا قاۋىپسىزدىگى سالاسىنداعى حالىقارالىق ەكى كەلىسىمدى راتيفيكاتسيالاۋ ماسەلەلەرى جونىندەگى زاڭ جوبالارىن دەپۋتاتتاردىڭ قاراۋىنا ەنگىزۋ ۇسىنىلدى.

وتىرىستا دەپۋتات ولگا پەرەپەچينا «قازاقستان رەسپۋبليكاسىنىڭ ۇلتتىق قورىنان 2019-2021 -جىلدارعا ارنالعان كەپىلدەندىرىلگەن ترانسفەرت تۋرالى» جانە «2019 - 2021 -جىلدارعا ارنالعان رەسپۋبليكالىق بيۋدجەت تۋرالى» زاڭ جوبالارىنىڭ سەنات كوميتەتتەرى مەن جۇمىس توپتارىندا تالقىلانۋ بارىسى تۋرالى حاباردار ەتتى.

ق. توقايەۆ ەلباسىنىڭ تاياۋداعى قازاقستان حالقىنا جولداۋىنداعى تاپسىرمالارىن قارجىلىق تۇرعىدا قامتاماسىز ەتۋ ەلىمىزدىڭ ءۇش جىلدىق بيۋدجەت جوباسىنا قوسىلعانىن اتاپ ءوتتى. «ادامدار جاقسى وزگەرىستەردى ناقتى سەزىنۋ ءۇشىن مەملەكەت باسشىسىنىڭ تاپسىرمالارىن لايىقتى دەڭگەيدە ورىنداۋ - ءبىزدىڭ باستى ماقساتىمىز»، - دەپ اتاپ ءوتتى سەنات باسشىسى. بيۋدجەتتىڭ شىعىس بولىكتەرىن ۇلعايتۋ تۋرالى دەپۋتاتتاردىڭ ۇسىنىستارى تۋرالى ايتا كەلىپ، ق. توقايەۆ مەملەكەت قارجىسىن ءتيىمدى پايدالانۋدى قامتاماسىز ەتۋ تۋرالى ەلباسىنىڭ العا قويعان مىندەتىن ەسكە سالدى.

سەنات ءتوراعاسىنىڭ پىكىرىنشە، ءبىزدىڭ ازاماتتارىمىزدى تولعاندىراتىن الەۋمەتتىك- ەكونوميكالىق كوكەيكەستى ماسەلەلەردىڭ شەشىمى مەن ايماقتىق جانە مەكەمەلەر مۇددەلەرىنىڭ اراجىگى ايقىن بولۋى ءتيىس. رەسپۋبليكالىق بيۋدجەت ەڭ الدىمەن ءبىزدىڭ ازاماتتارىمىزدىڭ ءال- اۋقاتىنىڭ ارتا ءتۇسۋىن قامتاماسىز ەتۋى ءتيىس. ق. توقايەۆ ول ءۇشىن باسىمدىقتاردى ايقىنداۋ قاجەت ەكەنىنە نازار اۋداردى. سەنات ءتوراعاسى اتاپ وتكەندەي، تاياۋدا وتكەن قاۋىپسىزدىك كەڭەسىنىڭ وتىرىسىندا كوممۋنالدىق قىزمەت كورسەتۋ باعاسىنىڭ نەگىزسىز ءوسۋى مەن بيۋدجەت قارجىسىن ءوز ماقساتىنان باسقا سالاعا پايدالانۋ تۋرالى قاتاڭ ايتىلدى.

ق. توقايەۆتىڭ ايتۋىنشا، شىنايى نيەت پەن بىلىكتى شەشىم ارقىلى ۇنەمدەۋ جانە قولدا بار قورلاردى پايدالانۋ ەسەبىنەن ءبىرقاتار ماسەلەلەردىڭ شەشىمىن تابۋعا بولادى. ءتوراعا وسىعان بايلانىستى پارلامەنتشىلەردى بيۋدجەتتىڭ شىعىس بولىگىن ۇلعايتۋعا اپاراتىن بارلىق ۇسىنىستاردى مۇقيات ويلاستىرۋعا شاقىردى.

«تەك مەملەكەتتىك مۇددە تۇرعىسىنان قاراۋ كەرەك، كوميتەتتەر مەن دەپۋتاتتاردىڭ بارلىق ۇسىنىستارى تەك وسى كوزقاراستان قارالۋى ءتيىس»، - دەدى ق. توقايەۆ.

سوڭعى جاڭالىقتار