ميعا پايدالى جانە زياندى ونىمدەر

استانا. قازاقپارات - كۇنىمىزدە ءومىرىمىزدىڭ اجىراماس بولىگىنە اينالىپ كەلە جاتقان فاست فۋد تاعامدارى اس قورىتۋ جۇيەسىندەگى كەلەڭسىزدىكتەرگە، اسىرەسە سالماق قوسۋعا جول اشاتىنى قۇپيا ەمەس، سونداي-اق تەرىنىڭ ناشارلاۋىنا دا سەپتىگىن تيگىزەدى.

سونىمەن قاتار زەرتتەۋلەر ناتيجەسى تۇراقتى تۇردە فاست فۋد تاعامدارىمەن قورەكتەنۋ ميعا دا كەرى اسەر ەتەتىندىگى ۇمىتشاقتىق پەن دەپرەسسيا، التسگەيمەر، شيزوفرەنيا سەكىلدى اقاۋلارعا الىپ كەلەتىندىگىن كورسەتۋدە.

انگليانىڭ زەيىن ساۋلىعى قورىنىڭ زەرتتەۋ ءبولىمى ديرەكتورى دوكتور كورتنەي ۆان دە ۆەير: «ادامداردىڭ سوڭعى كەزدەرى ادەتكە اينالدىرعان فاست فۋد تاعامدارى جۇيەلى جانە سالاۋاتتى بولۋدان قالدى. زەرتتەۋلەرگە سۇيەنسەك جەمدەردە قولدانىلاتىن قوسپالار جانە ەگىنشىلىكتە قولدانىلاتىن دارىلەر مال اعزاسىندا وزگەرىستەرگە جول اشۋدا. وسى سەبەپتى ادامدار ومەگا 6 ماي قىشقىلىن ومەگا 3-كە قاراعاندا كوبىرەك تۇتىناتىن جاعدايعا كەلۋدە. بۇل اقاۋعا تاعى دارۋمەن مەن مينەرال جەتىسپەۋشىلىگى قوسىلعاندا ۇمىتشاقتىق جانە دەپرەسسيا سەكىلدى كەلەڭسىزدىكتەرگە، ونىڭ ارتى التسگەيمەر، شيزوفرەنيا سەكىلدى دەرتتەرگە اكەپ سوعادى.» ماماندار ميعا پايدالى جانە زيان ونىمدەردىڭ ءتىزىمىن قىسقاشا بىلاي تىزبەكتەۋدە:

ميعا پايدالى ونىمدەر:

- كوكونىستەر (تالشىقتى بولعاندار)

- ءداندى- داقىلدار

- جەمىستەر

- بيداي، كەبەك

- جۇمىرتقا

- تابيعي جەتىلگەن بالىقتار

ميعا زياندى ونىمدەر:

- قۋىرىلعان فاست فۋد تاعامدارى

- رافينادتالعان، وڭدەلگەن ازىقتار

- الكوگولدى ىشىمدىكتەر

- شەكەر

- شامادان ارتىق شاي جانە كوفە

- ازىقتارعا قوسىلاتىن كەيبىر قوسپالار

- ەگىنشىلىك دارىلەرىن قامتيتىن ازىقتار