مارستا دىبىس قالاي شىعادى؟

 استانا. قازاقپارات - عالىمدار قىزىل عالامشاردى جاقسى بىلەدى. اسىرەسە، ونىڭ سىرتقى بەينەسىن بىرنەشە جىلدان بەرى زەرتتەپ كەلەدى. ال مارستاعى تابيعي دىبىستاردى انىقتاۋعا قازىرشە ءبىزدىڭ تەحنولوگيانىڭ مۇمكىندىگى جوق.

 ول ءۇشىن مۇمكىندىگى جوعارى ميكروفوندار جاسالۋ كەرەك. انگليانىڭ راسكين جانە ەكسەتەر ۋنيۆەرسيتەتىنىڭ عالىمدارى وسى ولقىلىقتىڭ ورنىن تولتىرۋ ماقساتىندا مارستاعى باستاپقى مالىمەتتەردى قابىلداعان كومپيۋتەرلىك الگوريتم ارقىلى عالامشارداعى تابيعي دىبىستارعا ۇقساس دىبىستاردى بىرىكتىرىپ مۋزىكا جاساپ شىعاردى. عالىمداردىڭ ەڭبەگىنىڭ ارقاسىندا تومەندەگىدەي عاجايىپ مۋزىكا جاراتىلدى. ونى ءسىز دە تىڭداپ كورۋىڭىزگە بولادى: مارستاعى دىبىستى جاراتۋ ءۇشىن عالىمدار مارس بەتىن سولدان وڭعا قاراي سكانەرلەپ، قىزىل عالامشاردىڭ جارىعىن، ءتۇسىن، وي- بەدەرىن مۇقيات زەرتتەگەن. سودان كەيىن الگوريتم ءاربىر ەلەمەنت ءۇشىن بەلگىلى ءبىر سارىن مەن اۋەن تاعايىنداعان. اتالعان جوبا SC18 سۋپەركومپيۋتەرى ارقىلى جاسالعان. ونى داللاستاعى كونفەرەنتسيا قوناقتارى قاراپايىم دىبىس ۇلعايتقىش ارقىلى العاش بولىپ تىڭدادى.

Massaget.kz