ىستانبۇل تۇرعىندارى قازاقتىڭ «التىن ادامىن» كورە الادى
ءوز سوزىندە تۇركسوي ۇيىمىنىڭ باس حاتشىسى دۇيسەن قاسەيىنوۆ حالىقارالىق تۇركى مادەنيەتى ۇيىمى بيىلعى جىلى تۇركسوي ۇيىمىنىڭ 25 جىلدىعى اياسىندا تۇركى مادەنيەتى مەن ونەرىن ايگىلەندىرۋ ماقساتىمەن الەمنىڭ تۇكپىر- تۇكپىرىندە اۋقىمدى ءىس- شارالار وتكىزىپ وتىرعانىن اتاپ ءوتتى.
تۇركسوي ۇيىمىنىڭ باسشىسى، سونداي- اق، بۇكىلالەمدىك مادەنيەت جانە ونەر استاناسى بولىپ تابىلاتىن ىستانبۇلدا وسى جولى قازاقستاننىڭ ورتالىق مەملەكەتتىك مۇراجايىمەن بىرلەسىپ بىرەگەي كورمە اشىلاتىنىن حابارلادى. الىپ قالا تۇرعىندارى بۇل كورمەدە قازاق جەرىنىڭ ارحەولوگيالىق، ەتنوگرافيالىق، سونداي- اق تاريحي- مادەني مۇراسىمەن جاقىنىراق تانىسۋ مۇمكىندىگىنە يە بولادى.
دۇيسەن قاسەيىنوۆتىڭ ايتۋىنشا، تاريح پەن مادەنيەت سۇيۋشىلەرى كورمەدە قويىلعان ەكسپوناتتاردىڭ اراسىندا تۇركى حالىقتارىنىڭ بۇرىنعى تاريحى تۋرالى ستەرەوتيپتەردى وزگەرتىپ، قازاقستان رەسپۋبليكاسىنىڭ ۇلتتىق سيمۆولىنا اينالعان «التىن ادامدى» دا كورە الادى.
كورمەنىڭ بارىسىندا تۇركسوي حالىق اسپاپتارى وركەسترىندەگى قازاق مۋزىكانتتارى ءداستۇرلى قازاق مۋزىكاسىنىڭ شاعىن كونتسەرتىن ۇسىندى.
«ۇلى دالانىڭ تاريحي- مادەني مۇراسى» كورمەسى 2018 -جىلعى 9 -جەلتوقسانىنا دەيىن جۇمىس ىستەيدى.
